- Эр абынмай, эл танымаз.
- Къарнынг тойгъунчу аша да, белинг талгъынчы ишле.
- Къуллукъчума, деб махтанма, къуллукъ – хаух джамчыды!
- Тойну къарнашы – харс, джырны къарнашы – эжиу.
- Окъуу – билимни ачхычы, окъуу – дунияны бачхычы.
- Джаралыны джастыгъында сау ёлюр.
- Иги – алгъыш этер, аман – къаргъыш этер.
- Этни да ашады, бетни да ашады.
- Ариу сёз аурууунгу алыр.
- Къыз келсе, джумуш эте келеди, къатын келсе, ушакъ эте келеди.
- Иги сёз – джаннга азыкъ, аман сёз башха – къазыкъ.
- Ашхы – джыяр, аман – джояр.
- Тойчу джашха къарама, къойчу джашха къара.
- Ана – юйню кюн джарыгъы.
- Бек ашыкъгъан меннге джетсин, дегенди аракъы.
- Сабыр джетер муратха, сабырсыз къалыр уятха.
- Кимни – тили, тиши онглу, кимни – къолу, иши онглу.
- Тынгылагъан тынгы бузар.
- Къарнынг бла ёч алма.
- Эски джаугъа ышанма.
- Иесиз малны бёрю ашар.
- Эри аманны, къатыны – аман.
- Хантына кёре тузу, юйюне кёре къызы.
- Орундукъ тюбюнде атылсам да, орта джиликме, де да айлан.
- Тил джюрекге джол ишлейди.
- Къошда джокъгъа – юлюш джокъ.
- Билимли ёлмез, билимсиз кёрмез.
- Адамны аманы адамны бети бла ойнар.
- Джюз элде джюз ёгюзюм болгъандан эсе, джюз джууугъум болсун.
- Итли къонакъ джарашмаз.
- Къайгъыны сюйген, къайгъы табар.
- Таш бла ургъанны, аш бла ур.
- Къатыны харакетли болса, эри къымсыз болур.
- Бети къызарыучу адамны, джюреги харам болмаз.
- Къызны минг тилер, бир алыр.
- Тенги кёбню джау алмаз, акъылы кёбню дау алмаз.
- Мени джылытмагъан кюн, меннге тиймесин!
- Тюзлюк шохлукъну бегитир.
- Бир абыннган – минг сюрюнюр.
- Байлыкъдан саулукъ ашхыды.
- Чакъырылмагъан къонакъ тёрге атламаз.
- Сабийни джумушха джибер да, ызындан бар.
- Кюн кёрмеген, кюн кёрсе, кюндюз чыракъ джандырыр.
- Тин – байлыгъынг, терен саулугъунг.
- Акъыллы – эл иеси, тели – эл баласы.
- Ач да бол, токъ да бол – намысынга бек бол.
- Ачны эсинде – аш.
- Къарны аманнга къазан такъдырма, къолу аманнга от джакъдырма.
- Акъыл бла адеб эгизледиле.
- Термилгенинги табмазса, кюлгенинге тюберсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72