- Дуния мал дунияда къалады.
- Аманны къуугъан, аманлыкъ табар.
- Уруну арты – къуру.
- Адамны адамлыгъы къыйынлыкъда айгъакъланады.
- Ёлюк кебинсиз къалмаз.
- Ауругъаннга – кийик саулукъ, джетген къызгъа – чилле джаулукъ.
- Джаханимни кёрмей, джандетге кёл салмазса.
- Чёбню кёлтюрсенг, тюбюнден сёз чыгъар.
- Этни бети бла шорпасы.
- Баш болса, бёрк табылыр.
- Къонакъ болсанг, ийнакъ бол.
- Ётюрюкню башын керти кесер.
- Кесинге джетмегенни, кёб сёлешме.
- Акъыл сабырлыкъ берир.
- Атадан ёксюз – бир ёксюз, анадан ёксюз – эки ёксюз.
- Эки элинги тыйсанг, джети элде махталырса.
- Къарт болгъан джерде, берекет болур, сабий болгъан джерде, оюн болур.
- Мени джылытмагъан кюн, меннге тиймесин!
- Билеги кючлю, бирни джыгъар, билими кючлю, мингни джыгъар.
- Таукелге нюр джауар.
- Къуллукъчума, деб махтанма, къуллукъ – хаух джамчыды!
- Тёзген – тёш ашар!
- Иги болса, тамадама – махтау, аман болса, меннге – айыб.
- Булут кёкге джарашыу, уят бетге джарашыу.
- Хаухну атма, ёнгкючню сатма.
- Чомартны къолу берекет.
- Адам къаллай бир ишленмесе, аллай бир кесин уллу кёреди.
- Джеринден айырылгъан – джети джылар, джуртундан айырылгъан – ёлгюнчю джылар.
- Соргъан айыб тюлдю, билмеген айыбды.
- Эм ашхы къайын ана мамукъ бла башынгы тешер.
- Къанны къан бла джуума, аманны аман бла къуума.
- Ушамагъан – джукъмаз.
- Агъач халкъгъа алтынды, иссиликге салкъынды.
- Адамны бетине къарама, адетине къара.
- Бети къызарыучу адамны, джюреги харам болмаз.
- Ашыкъгъан cуу, тенгизге джетмез.
- Джашлыкъ этмеген, башлыкъ этмез.
- Иги – алгъыш этер, аман – къаргъыш этер.
- Биреуню эскиси биреуге джангы болмайды.
- Къалгъан ишге къар джауар.
- Кёлю джокъну – джолу джокъ.
- Кечеси – аяз, кюню – къыш, джарлы къаргъагъа бир аш тюш!
- Аурууну келиую тынч, кетиую – къыйын.
- Чарсда алчыны эл кёреди.
- Терслик кетер, тюзлюк джетер.
- От этилмеген джерден тютюн чыкъмайды.
- Ашхы адам – халкъ байлыгъы, ашхы джер – джашау байлыгъы.
- Биреуге кёлтюрген таягъынг, кесинги башынга урур.
- Адебни адебсизден юрен.
- Аш хазыр болса, иш харам болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72