- Аманны эки битли тону болур, бирин сеннге кийдирир, бирин кеси киер.
- Къолу уллу – асыу, аягъы уллу – джарсыу.
- Къонакъ болсанг, ийнакъ бол.
- Ана къолу ачытмаз.
- Къызын тута билмеген, тул этер, джашын тута билмеген, къул этер.
- Тин – байлыгъынг, терен саулугъунг.
- Аман киши кеси юйюнде – къонакъ.
- Ашхылыкъ джерде джатмайды, аманлыкъ суугъа батмайды.
- Намысы болмагъанны, сыйы болмаз.
- Ёзденликни кёбю ётюрюк.
- Рысхы джалгъанды: келген да этер, кетген да этер.
- Джуртун къоругъан озар.
- Хар зат кесини орнуна иги.
- Тёзгеннге, джабылгъан эшик ачылыр.
- Зарда марда джокъ.
- Туз, гырджын аша, тюзлюк бла джаша.
- Эр абынмай, эл танымаз.
- Тюз сёз баргъан сууну тыяр.
- Уллу суу бла уллу ауруудан башынгы сакъла.
- Ач къалгъандан, кеч къалгъан къолай.
- Айныгъанлы алты кюн, тогъайгъанлы тогъуз кюн.
- Эм ашхы къайын ана мамукъ бла башынгы тешер.
- Кийимни бир кюнню аясанг, минг кюннге джарар.
- Айтхан – тынч, этген – къыйын.
- Эшекге миннген – биринчи айыб, андан джыгъылгъан – экинчи айыб.
- Игини сыйлагъан адетди.
- Айран тёгюлсе, джугъусу къалыр.
- Ана къойну – балагъа джандет.
- Ариу – кёзге, акъыл – джюрекге.
- Тойгъан джерге джети къайт.
- Суугъа – чабакъ, къаягъа – ыргъакъ.
- Джюрек кёзден алгъа кёрюр.
- Ишин билген, аны сыйын чыгъарады.
- «Ёгюз, джаргъа джууукъ барма, меннге джюк боллукъса», - дегенди эшек.
- Джангызны оту джарыкъ джанмаз!
- Ач – эснер, ат – кишнер.
- Аман эсирсе, юйюн ояр.
- Билгенни къолу къарны джандырыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Дуния мал дунияда къалады.
- Ариуну – ауруу кёб.
- Татлы сёз – балдан татлы.
- Джырчы ёлсе, джыры къалыр.
- Ашыкъгъан cуу, тенгизге джетмез.
- Кёлсюзден сёзсюз тууар.
- Тамчы таш тешер.
- Ханы къызы буюгъа-буюгъа киштик болду.
- Ётген ёмюр – акъгъан суу.
- Сескекли кесин билдирир.
- Къонакъ аз олтурур, кёб сынар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72