- Тай асырагъан, атха минер.
- Сангырау къулакъ эл бузар.
- «Ма», - дегенни билмесенг, «бер», - дегенни билмезсе.
- Джолда аягъынга сакъ бол, ушакъда тилинге сакъ бол.
- Алтыннга тот къонмаз.
- Къолу уллу – асыу, аягъы уллу – джарсыу.
- Аманны тукъумуна къарама, игини тукъумун сорма.
- Бермеген къол, алмайды.
- Ётюрюкчюню шагъаты – къатында.
- Акъыл бла адеб эгизледиле.
- Къызбайны юйюне дери сюрсенг, батыр болур.
- Айырылмаз джууугъунга, унутмаз сёзню айтма.
- Башланнган иш битер, къымылдагъан тиш тюшер.
- Элни кючю – эмеген.
- Эр абынмай, эл танымаз.
- Кимни – тили, тиши онглу, кимни – къолу, иши онглу.
- Кёпюр салгъан кеси ётер, уру къазгъан кеси кетер.
- Аш иеси бла татлыды.
- Орундукъ тюбюнде атылсам да, орта джиликме, де да айлан.
- Кийимни бир кюнню аясанг, минг кюннге джарар.
- Ишлегенден, къарагъан уста.
- Къатын байлыкъны сюер, эр саулукъну сюер.
- Ёнгкюч къууана барыр, джылай келир.
- Чомарт джарлы болмаз.
- Эте билген, этген этеди, эте билмеген, юретген этеди!
- Биреуню эскиси биреуге джангы болмайды.
- Байлыкъ тауусулур, билим тауусулмаз.
- Эринчекни аурууу – кёб.
- Джуртун къоругъан озар.
- Иесиз малны бёрю ашар.
- Кёб джат да, бек чаб.
- Окъуусуз билим – джокъ, билимсиз кюнюнг – джокъ.
- Байма, деб да, къууанма, джарлыма, деб да, джылама.
- Адамны бетине къарама, адетине къара.
- Таукел къуру къалмаз.
- Къозулугъунда тоймагъан, къойлугъунда тоймаз.
- Къонагъынгы артмагъын алма да, алгъышын ал.
- Башы ишлегенни, ауузу да ишлер.
- Ариу сёз – джаннга азыкъ, аман сёз – башха къазыкъ.
- Къыз чыгъаргъан – къызыл къымжа.
- Атадан ёксюз – бир ёксюз, анадан ёксюз – эки ёксюз.
- Ач къарынны, токъ билмез
- Аманнга алтын чыдамаз.
- Айтхан – тынч, этген – къыйын.
- Сабийликде юретмесенг, уллу болса – тюзелмез.
- Тойгъан джерден туугъан джер игиди.
- Бир абыннган – минг сюрюнюр.
- Келгинчи, къонакъ уялыр, келгенден сора, къонакъбай уялыр.
- Тиширыусуз юй – отсуз от джагъа.
- Халкъгъа джарагъан, джарлы къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72