- Тилде сюек болмаса да, сюек сындырыр.
- Зарда марда джокъ.
- Джол бла сёзню къыйыры джокъ.
- Аякъларынгы джууургъанынга кёре узат.
- Ауругъанны сау билмез, ач къарынны токъ билмез.
- Илму – джашауну джолу.
- Айырылгъанланы айю ашар, бёлюннгенлени бёрю ашар.
- Телиге акъыл салгъандан эсе, ёлгеннге джан салырса.
- Джаханимни кёрмей, джандетге кёл салмазса.
- Малны кют, джерни тюрт.
- Билгенни къолу къарны джандырыр.
- Бек анасы джыламаз.
- Акъыл къартда, джашда тюйюлдю – башдады.
- Зар адамны насыбы болмаз.
- Окъуу – билимни ачхычы, окъуу – дунияны бачхычы.
- Джашны джигитлиги сорулур, къызны джигерлиги сорулур.
- Хоншуну тауугъу къаз кёрюнюр, келини къыз кёрюнюр.
- Иги джашны ышаны – аз сёлешиб, кёб тынгылар.
- Къуллукъчума, деб махтанма, къуллукъ – хаух джамчыды!
- Ашыкъгъанны этеги бутуна чырмалыр.
- Дуния мал дунияда къалады.
- Хар сёзню орну барды.
- Аманнга да, игиге да оноусуз къатышма.
- Мухар, кеси тойса да, кёзю тоймаз.
- Сёз къанатсыз учар.
- Кёб къычыргъандан – къоркъма, тынч олтургъандан – къоркъ.
- Джукъу тёшек сайламайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тешигини къатында, чычхан да батыр болур.
- Ёпкелегенни ашы татлы болады.
- Ашхы болсанг, атынг чыгъар, аман болсанг, джанынг чыгъар.
- Аш берме да, къаш бер.
- Чыбыкълыкъда бюгюлмеген, къазыкълыкъда бюгюлмей эди.
- Аманнга игилик этсенг, юйюнге сау бармазса.
- Джырына кёре эжиую.
- Ишлемеген – тишлемез.
- Айырылмаз джууугъунга, унутмаз сёзню айтма.
- Татлы тилде – сёз ариу, чемер къолда – иш ариу.
- Джашда акъыл джокъ, къартда къарыу джокъ.
- Эл тойса, тоймагъан, эл къойса, къоймагъан.
- Экиндини кеч къылсанг, чабыб джетер ашхам.
- Тыш элде солтан болгъандан эсе, кесинги элде олтан болгъан игиди!
- Бети – къучакълар, джюреги – бычакълар.
- Ичимден чыкъды хата, къайры барайым сата?
- Къууут – джелге, берне – бошха.
- Эркишиге тары кебек танг кёрюнюр.
- Юреннген ауруу къалмаз.
- Аджашхан тёгерек айланыр.
- Эл ауузу – элек, анга ийнаннган – халек.
- Тиширыусуз юй – отсуз от джагъа.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72