- Къууут – джелге, берне – бошха.
- Сыфатында болмагъаны, суратында болмаз.
- Артына баргъанны, къатына барма.
- Къатын байлыкъны сюер, эр саулукъну сюер.
- Гугурук къычырмаса да, тангны атары къалмаз.
- Башланнган иш битер, къымылдагъан тиш тюшер.
- Тенги кёбню джау алмаз, акъылы кёбню дау алмаз.
- Аман къатын сабий табса, бий болур…
- Алим болгъандан эсе, адам болгъан къыйынды.
- Къайгъы тюбю – тенгиз.
- Ойнаб айтсанг да, эслеб айт.
- Акъыл аздырмаз, билим тоздурмаз.
- Адеб этмеген, адеб кёрмез.
- Кёкдеги болмаса, джердегин кёрмейди.
- Акъыллы башны – тили къысха.
- Арбаз къынгырды да, ийнек сауалмайма.
- Ишин билген, аны сыйын чыгъарады.
- Тойгъа барсанг, тоюб бар, эски тонунгу къоюб бар.
- Юреннген ауруу къалмаз.
- Джаш болсун, къыз болсун, акъылы, саны тюз болсун.
- Дженгил джетерикме деб, узун джолну къоюб, къысхасын барма.
- Суугъа – таянма, джаугъа – ийнанма.
- Келлик заман – къартлыкъ келтирир, кетген заман – джашлыкъ ёлтюрюр.
- Къатын къылыкъсыз, эр тынчлыкъсыз.
- Абынмазлыкъ аякъ джокъ, джангылмазлыкъ джаякъ джокъ.
- Джангыз терек къынгыр ёсер.
- Акъыл неден да кючлюдю.
- Ашыкъгъанны этеги бутуна чырмалыр.
- Аш берме да, къаш бер.
- Гыдай эчки суугъа къараб, мюйюзле кёрмесе, джашма алкъын, дегенди.
- Айтхан сёзюне табылгъан.
- Керек ташны ауурлугъу джокъ.
- Тулпарлыкъ, билекден тюл – джюрекден.
- Хар зат кесини орнуна иги.
- Джетген къыз джерли эшекни танымаз.
- Айырылгъанланы айю ашар, бёлюннгенлени бёрю ашар.
- Сормай – алма, чакъырылмай – барма.
- Ауузу бла къуш тута айланады.
- Халкъгъа джарагъан, джарлы къалмаз.
- Билмегенинги, билгеннге сор.
- Чыбыкълыкъда бюгюлмеген, къазыкълыкъда бюгюлмей эди.
- Насыб бютеу халкъны юлюшюдю.
- Ашхы адам – халкъ байлыгъы, ашхы джер – джашау байлыгъы.
- Аманнга игилик этсенг, юйюнге сау бармазса.
- Арба аугъандан сора, джол кёргюзтюучю кёб болур.
- Билгенни къолу къарны джандырыр.
- Эски джаугъа ышанма.
- Тилде сюек болмаса да, сюек сындырыр.
- Биреуге кёлтюрген таягъынг, кесинги башынга урур.
- Къобан да къуру да къобханлай турмайды, адам да къуру да патчахлай турмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72