- Биреуню эскиси биреуге джангы болмайды.
- Тюз сёз баргъан сууну тыяр.
- Ариу сёз – джаннга азыкъ, аман сёз – башха къазыкъ.
- Аз айтсам, кёб ангылагъыз.
- Кёрмегеннге кебек – танг, битмегеннге сакъал – танг.
- Окъумагъан сокъурду, сокъур ташха абыныр!
- Джумушакъ сёз къаты таякъны сындырыр.
- Тойгъан джерден туугъан джер игиди.
- Эл тойса, тоймагъан, эл къойса, къоймагъан.
- Эри аманны, къатыны – аман.
- Итли къонакъ джарашмаз.
- Киштикге къанат битсе, чыпчыкъ къалмаз эди.
- Аманнга игилик этсенг, юйюнге сау бармазса.
- Къарнынг ауруса, ауузунгу тый
- Айтхан – тынч, этген – къыйын.
- Суугъа – чабакъ, къаягъа – ыргъакъ.
- Дуния малгъа сатылма, кесингден телиге къатылма.
- Аман къатын сабий табса, бий болур…
- Байлыкъ болгъан джерде, тынчлыкъ джокъду.
- Арпа, будай – ащды, алтын, кюмюш а – ташды.
- Элиб деген, элге болушур.
- Шайтан алдады, тюзлюк къаргъады.
- Артына баргъанны, къатына барма.
- Рысхы джалгъанды: келген да этер, кетген да этер.
- Ашха уста, юйюнде болсун
- Сагъышы джокъ – джукъучу, акъылы джокъ – къаугъачы.
- Баргъанынга кёре болур келгенинг.
- Мадар болса, къадар болур.
- Биреу ашаб къутулур, биреу джалаб тутулур.
- Атынг аманнга чыкъгъандан эсе, джанынг тамагъынгдан чыкъсын.
- Эл элде бирер малынг болгъандан эсе, бирер тенгинг болсун.
- Ариу сёз – къылычдан джити.
- Кёб къычыргъандан – къоркъма, тынч олтургъандан – къоркъ.
- Тенгинг джокъ эсе – изле, бар эсе – сакъла!
- Адам къыйынлыгъын кёлтюрюр, зауукълугъун кёлтюрмез.
- Кютгени беш эчки, сызгъыргъаны уа, джерни джарады.
- Сормай – алма, чакъырылмай – барма.
- Джангызны оту джарыкъ джанмаз!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тиширыусуз юй – отсуз от джагъа.
- Тыш элде солтан болгъандан эсе, кесинги элде олтан болгъан игиди!
- Ауузу аманнга «иги», деме.
- Айран ичген – къутулду, джугъусун джалагъан – тутулду.
- Иги адам абынса да, джангылмаз.
- Тин – байлыгъынг, терен саулугъунг.
- Эринчекни эр алмаз, эр алса да, кёл салмаз, кёл салса да, кёб бармаз!
- Ата Джуртун танымагъан, атасын да танымаз.
- Къарыусузгъа кюлме, онгсузгъа тийме.
- Ёлмесенг да, къарт дамы болмазса?
- Адамгъа аман кюн соруб келмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72