- Садакъачыны джаны – къапчыгъында.
- Кёзюнде тереги болгъан, чёбю болгъаннга кюле эди.
- Ана кёлю – балада, бала кёлю – талада.
- Булут кёкге джарашыу, уят бетге джарашыу.
- Къонакъ аз олтурур, кёб сынар.
- Гугурук къычырмаса да, тангны атары къалмаз.
- Окъугъанны бети джарыкъ.
- Къарнынг ауруса, ауузунгу тый
- Эллинг бла джау болсанг да, юйюнг бла джау болма.
- Азыгъы аз, алгъа къабар, аты аман, алгъа чабар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Терслик кетер, тюзлюк джетер.
- Байдан умут эте, джарлыдан ёгюз багъасы къорады.
- Билгенни къолу къарны джандырыр.
- Ашлыкъ – бюртюкден, джюн – тюкден.
- Къарын къуру болса, джюрек уру болур.
- Юй кюйдю да, кюйюз чыкъды, ортасындан тюйюш чыкъды.
- Тюкюрюк баш джармаз, налат кёз чыгъармаз!
- Тойгъа барсанг, тоюб бар, эски тонунгу къоюб бар.
- Ата Джуртун танымагъан, атасын да танымаз.
- Чоюнну башы ачыкъ болса, итге уят керекди.
- Адам сёзюнден белгили.
- Тамчы таш тешер.
- Келинни – келгинчи, бёркню кийгинчи кёр.
- Къонакъны къачан кетерин сорма, къачан келлигин сор.
- Кёзю сокъурдан – къоркъма, кёлю сокъурдан – къоркъ.
- Харам къарнашдан, халал тенг ашхы.
- Джол бла сёзню къыйыры джокъ.
- Рысхы – насыбха къор.
- Ач къарынны, токъ билмез
- Кимни – тили, тиши онглу, кимни – къолу, иши онглу.
- Аш иеси бла татлыды.
- Уллу атлама – абынырса, уллу къабма – къарылырса.
- Джашны джигитлиги сорулур, къызны джигерлиги сорулур.
- Керилген да, ургъан кибикди.
- От этилмеген джерден тютюн чыкъмайды.
- Этек чакъмакълары баш джаргъан, сёлешген сёзлери таш джаргъан.
- Уллу къазанда бишген эт, чий къалмаз.
- Эшекге миннген – биринчи айыб, андан джыгъылгъан – экинчи айыб.
- Кёл ашады да, кеси ашады.
- Кёзню ачылгъаны – иги, ауузну джабылгъаны – иги.
- Ач да бол, токъ да бол – намысынга бек бол.
- Дуния мал дунияда къалады.
- Кёб ант этген, кёб ётюрюк айтыр.
- Эм уллу байлыкъ – джан саулукъ.
- Адамны аты башхача, акъылы да башхады.
- Окъдан джара эртде-кеч болса да бителир, сёз джара, ёмюрге къалыр.
- Арба аугъандан сора, джол кёргюзтюучю кёб болур.
- Тюзлюк тас болмайды.
- Тёзгеннге, джабылгъан эшик ачылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72