- Джети тилни билген джети кишиди.
- Бал чибинни ургъаны – ачы, балы – татлы.
- Ариу сёз аурууунгу алыр.
- Юреннген ауруу къалмаз.
- Хантына кёре тузу, юйюне кёре къызы.
- Биреуге аманлыкъ этиб, кесинге игилик табмазса.
- Кенгеш болса, уруш болмаз.
- Ач къалгъандан, кеч къалгъан къолай.
- Тойчу джашха къарама, къойчу джашха къара.
- Джылар джаш, атасыны сакъалы бла ойнар.
- Акъыллы айтыр эди, акъылсыз къоймайды.
- Ата Джуртуму башы болмасам да, босагъасында ташы болайым.
- Джигер – джаннга къыйынлыкъ.
- Элге къуллукъ этмеген, элге ие болмаз.
- Аууздан келген, къолдан келсе, ким да патчах болур эди.
- Игилик игилик бла сингдирилиучю затды.
- Джахил болса анасы, не билликди баласы?
- Аман эсирсе, юйюн ояр.
- Иги болса, тамадама – махтау, аман болса, меннге – айыб.
- Мураты болгъанны джюрек тебюую башхады.
- Къарны аманнга къазан такъдырма, къолу аманнга от джакъдырма.
- Ауругъанны сау билмез, ач къарынны токъ билмез.
- Биреу къой излей, биреу той излей.
- Танг атмайма десе да, кюн къоярыкъ тюйюлдю.
- Аз сёлеш, кёб ишле.
- Уллу сёлешме да, уллу къаб.
- Джюз элде джюз ёгюзюм болгъандан эсе, джюз джууугъум болсун.
- Рысхы джалгъанды: келген да этер, кетген да этер.
- Агъач халкъгъа алтынды, иссиликге салкъынды.
- Айран ичген – къутулду, джугъусун джалагъан – тутулду.
- Джаралыны джастыгъында сау ёлюр.
- Чомарт къонакъ юй иесин сыйлар.
- Къралынгы – душмандан, башынгы от бла суудан сакъла.
- Тура эдим джата, къайдан чыкъды хата?
- Бек ашыкъгъан меннге джетсин, дегенди аракъы.
- Иги сёз – джаннга азыкъ, аман сёз башха – къазыкъ.
- Ачлыкъ отха секиртир.
- Биреу ашаб къутулур, биреу джалаб тутулур.
- Адамны адамлыгъы къыйынлыкъда айгъакъланады.
- Джашынгы кесинг юретмесенг, джашау юретир.
- Къар – келтирди, суу – элтди.
- Ушамагъан – джукъмаз.
- Тойгъан джерден туугъан джер игиди.
- Бойнуму джети джерден кессенг да, мен ол ишни этеллик тюлме.
- Адеб этмеген, адеб кёрмез.
- Соргъан айыб тюлдю, билмеген айыбды.
- Бюгюн дуния кибик, тамбла ахыратды.
- Аман хансны – урлугъу кёб.
- Окъдан джара эртде-кеч болса да бителир, сёз джара, ёмюрге къалыр.
- Ышармагъан – кюлмез, кюлмеген – къууанчны билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72