- Ёлмесенг да, къарт дамы болмазса?
- Джукъу тёшек сайламайды.
- Кёрмегеннге кебек – танг, битмегеннге сакъал – танг.
- «Ёгюз, джаргъа джууукъ барма, меннге джюк боллукъса», - дегенди эшек.
- Ишни ахырын ойламай, аллын башлама.
- Биреуню тёрюнден, кесинги эшик артынг игиди.
- Аш хазыр болса, иш харам болур.
- Тойгъа алгъа да барма, тойда артха да къалма.
- Сёлеш деб шай берген, тохта деб, сом берген.
- Агъач – джерни чырайы, кийим – эрни чырайы.
- Хазыр ашха – терен къашыкъ.
- Ашхы адам – халкъ байлыгъы, ашхы джер – джашау байлыгъы.
- Сёз – кюмюш, джыр – алтын.
- Тойгъа барсанг, тоюб бар, эски тонунгу къоюб бар.
- Тенги кёбню джау алмаз, акъылы кёбню дау алмаз.
- Окъугъан – асыу, окъумагъан – джарсыу.
- Огъурлуну сёзю – суу, огъурсузну сёзю – уу.
- Къанны къан бла джуума, аманны аман бла къуума.
- Акъыл бла адеб эгизледиле.
- Ишлерге уял да, ашаргъа табма.
- Гитче джилтин уллу элни джандырыр.
- Кечеси – аяз, кюню – къыш, джарлы къаргъагъа бир аш тюш!
- Къарны аманнга къазан такъдырма, къолу аманнга от джакъдырма.
- Къыз чыгъаргъан – къызыл къымжа.
- Адебсиз адам – джюгенсиз ат.
- Таукел адам тау тешер.
- Тойгъанлыкъ къойгъа джарашады.
- Къартха ушагъан джаш – акъыллы, джашха ушагъан къарт – тели.
- Билимсиз иш бармаз.
- Ауругъанны сау билмез, ач къарынны токъ билмез.
- Алтыннга тот къонмаз.
- Татлы сёз – балдан татлы.
- Чыкълы кюнде чыкъмагъан, чыкъса къуру кирмеген.
- Уясында не кёрсе, учханында аны этер.
- Сёз къанатсыз учар.
- Къаллай салам берсенг, аллай джууаб алырса.
- Таукелге нюр джауар.
- Терслик кетер, тюзлюк джетер.
- Иги сеники эсе да, сюйген кесимикин этеме.
- Билмегенинги, билгеннге сор.
- Ариу сёз – джаннга азыкъ, аман сёз – башха къазыкъ.
- Зарда марда джокъ.
- Тёзген – тёш ашар!
- Гугук кесини атын айтыб къычыргъанча, мен, мен деб нек тураса?
- Тилчи тилден къаныкъмаз.
- Экиндини кеч къылсанг, чабыб джетер ашхам.
- Ашхылыкъ джерде джатмайды, аманлыкъ суугъа батмайды.
- Адебни адебсизден юрен.
- Хоншуну тауугъу къаз кёрюнюр, келини къыз кёрюнюр.
- Ёлюр джаннга, ёкюл джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72