- Нафысынгы айтханын этме, намысынгы айтханын эт.
- Джетген къыз джерли эшекни танымаз.
- Аманны эки битли тону болур, бирин сеннге кийдирир, бирин кеси киер.
- Джырына кёре эжиую.
- Насыблы элин сюер, насыбсыз кесин сюер.
- Терслик кетер, тюзлюк джетер.
- Адамны аманы адамны бети бла ойнар.
- Чомартны къолун джокълукъ байлар.
- Ата Джуртун танымагъан, атасын да танымаз.
- Намысы болмагъанны, сыйы болмаз.
- Къонакъ кёб келюучю юйню, къазаны отдан тюшмез.
- Ёлмесенг да, къарт дамы болмазса?
- Баланы адам этген анады.
- Тёгюлген тюгел джыйылмайды.
- Ашына кёре табагъы, балына кёре къалагъы.
- Ашыкъгъанны этеги бутуна чырмалыр.
- Джюрекден джюрекге джол барды.
- Гугук кесини атын айтыб къычыргъанча, мен, мен деб нек тураса?
- Джаным-тиним – окъуу, билим.
- Ишлегенден, къарагъан уста.
- Сабий кёргенин унутмаз.
- Арба аугъандан сора, джол кёргюзтюучю кёб болур.
- Мени джылытмагъан кюн, меннге тиймесин!
- Шайтан алдады, тюзлюк къаргъады.
- Ашлыкъ – бюртюкден, джюн – тюкден.
- Керилген да, ургъан кибикди.
- Ариу джол аджал келтирмез.
- Кёлсюзден сёзсюз тууар.
- Сууда джау джокъ, кёб сёзде магъана джокъ.
- Эки къатын алгъан – эки ташны ортасына башын салгъан.
- Тура эдим джата, къайдан чыкъды хата?
- Ач бёрюге мекям джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Чоюнну башы ачыкъ болса, итге уят керекди.
- Суугъа – чабакъ, къаягъа – ыргъакъ.
- Къуру гыбыт бек дыгъырдар.
- Юйюнгден чыкъдынг – кюнюнгден чыкъдынг.
- Бюгюн дуния кибик, тамбла ахыратды.
- Эркишиге тары кебек танг кёрюнюр.
- Сыфатында болмагъаны, суратында болмаз.
- Къайгъыны сюйген, къайгъы табар.
- Тас болгъан бычакъны сабы – алтын.
- Кесинг сынамагъан затны, адамгъа буюрма.
- Ётюрюкчюню шагъаты – къатында.
- Баш – акъыл ючюн, акъылман – халкъ ючюн.
- Акъыл аздырмаз, билим тоздурмаз.
- Ёлюк кебинсиз къалмаз.
- Къая джолда джортма, ачыкъ сёзден къоркъма.
- Накъырда – кертини келечиси.
- Тенги кёбню джау алмаз, акъылы кёбню дау алмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72