- Сыфатында болмагъаны, суратында болмаз.
- Оюмсуз атлагъан, аджалсыз ёлюр.
- Ётюрюкден тюбю джокъ, кёлтюрюрге джиби джокъ.
- Башынга джетмегенни сорма.
- Ишлегенде эринме, ишде чолакъ кёрюнме.
- Чомартха хар кюн да байрамды.
- Къонакъ болсанг, ийнакъ бол.
- Эр сокъур болсун, къатын тилсиз болсун.
- Акъыл неден да кючлюдю.
- Арбаз сайлама да, хоншу сайла.
- Чыкълы кюнде чыкъмагъан, чыкъса къуру кирмеген.
- Къозулугъунда тоймагъан, къойлугъунда тоймаз.
- Дуния аламаты сен эсенг да, игиме деб айтма.
- Мени джылытмагъан кюн, меннге тиймесин!
- Сакъалы текени да бар, мыйыгъы киштикни да бар.
- Ашыкъгъанны этеги бутуна чырмалыр.
- Зар адамны насыбы болмаз.
- Чабакъгъа акъыл, табагъа тюшсе келеди.
- Билим къая тешер.
- Мал тутхан – май джалар.
- Бек анасы джыламаз.
- Босагъагъа джууукъ орун болса, ашыгъыб тёрге озма.
- Битмегеннге сакъал – танг.
- Ашда – бёрю, ишде – ёлю.
- Тойгъа алгъа да барма, тойда артха да къалма.
- Чакъырылмагъан джерге барма, чакъырылгъан джерден къалма.
- Билим насыб берир, билим джолну керир.
- Адам къыйынлыгъын кёлтюрюр, зауукълугъун кёлтюрмез.
- Уллу айтханны этмеген – уллаймаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Кютгени беш эчки, сызгъыргъаны уа, джерни джарады.
- Хантына кёре тузу, юйюне кёре къызы.
- Садакъачыны джаны – къапчыгъында.
- Абынмазлыкъ аякъ джокъ, джангылмазлыкъ джаякъ джокъ.
- Алма терегинден кери кетмез.
- Аман адам этегингден тутса, кес да къач.
- Къайтырыкъ эшигинги, къаты уруб чыкъма.
- Гырджын – тепсини тамадасы.
- Билимсиз иш бармаз.
- Ашхы тенг джолгъа салыр, аман тенг джолдан тайдырыр.
- Нарт сёз къарт болмаз.
- Ёзденликни кёбю ётюрюк.
- Ишленмеген джаш – джюгенсиз ат, ишленмеген къыз – тузсуз хант.
- Игини сыйлагъан адетди.
- Биреуге аманлыкъ этиб, кесинге игилик табмазса.
- Таукелге нюр джауар.
- Ётген ёмюр – акъгъан суу.
- Таула не мийик болсала да, аууш табылыр.
- Чабар ат – джетген къыз.
- Акъдан къара болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72