- Адамгъа аман кюн соруб келмейди.
- Бети къызарыучу адамны, джюреги харам болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз къанатсыз учар.
- Сабий болмагъан джерде, мёлек болмаз.
- Тиширыусуз юй – отсуз от джагъа.
- Аман адам этегингден тутса, кес да къач.
- Бойнуму джети джерден кессенг да, мен ол ишни этеллик тюлме.
- Намыс болмагъан джерде, насыб болмаз.
- Хата – гитчеден.
- Ауузу бла къуш тута айланады.
- Ишни аллы бла къууанма да, арты бла къууан.
- Чомартха хар кюн да байрамды.
- Рысхысына кёре, джаш ёсер, къышлыгъына кёре, мал ёсер.
- Гырджын – тепсини тамадасы.
- Джигер – джаннга къыйынлыкъ.
- Агъач – джерни чырайы, кийим – эрни чырайы.
- Къатыны харакетли болса, эри къымсыз болур.
- Адамны артындан къара сабан сюрме.
- Башы ишлегенни, ауузу да ишлер.
- Тойну къарнашы – харс, джырны къарнашы – эжиу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билмегенинги, билгеннге сор.
- Эл тойса, тоймагъан, эл къойса, къоймагъан.
- Чабар ат – джетген къыз.
- Ач уят къоймаз.
- Нёгер болсанг, тенг бол, тенг болмасанг, кенг бол.
- Билим насыб берир, билим джолну керир.
- Ётюрюк хапар аякъ тюбю бла джюрюйдю.
- Чомартны къолун джокълукъ байлар.
- Ашда уялгъан – мухар, ишде уялгъан – хомух.
- Къарт айтханны этмеген, къартаймаз.
- Аджал соруб келмез, келсе, къайтыб кетмез.
- Аман эсирсе, юйюн ояр.
- Телиге от эт десенг, юйюнге от салыр.
- Адам къаллай бир ишленмесе, аллай бир кесин уллу кёреди.
- Тенгинг джокъ эсе – изле, бар эсе – сакъла!
- Дууулдаса – бал чибин, къонса – къара чибин.
- Билгенни къолу къарны джандырыр.
- Окъуусуз билим – джокъ, билимсиз кюнюнг – джокъ.
- Сибиртки да сыйлы болду, кюрек да кюнлю болду.
- Суу да къайтады чыкъгъан джерине.
- Къарнынг ауруса, ауузунгу тый
- Ауругъанны сау билмез, ач къарынны токъ билмез.
- Асхат ашлыкъ сата, юйдегиси ачдан къата.
- Байны къызы баймакъ болса да, юйде къалмаз!
- Ишге юренсин къоллары, халкъ бла болсун джоллары.
- Ашда – бёрю, ишде – ёлю.
- Айыбны суу бла джууалмазса.
- Эм уллу байлыкъ – джан саулукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72