- Къарнынг бла ёч алма.
- Аз сёлеш, кёб ишле.
- Элиб деген, элге болушур.
- Адамгъа аман кюн соруб келмейди.
- Чомарт бергенин айтмаз.
- Чыкълы кюнде чыкъмагъан, чыкъса къуру кирмеген.
- Ашарыкъда сайлагъаннга – чий гырджын.
- Окъуусуз билим – джокъ, билимсиз кюнюнг – джокъ.
- Кёз – сюйген джерде, къол – ауругъан джерде.
- Биреуню эскиси биреуге джангы болмайды.
- Адеби болмагъан къыз – тузсуз хант.
- Иги адам абынса да, джангылмаз.
- Джаш къарыу бла кючлю, къарт акъыл бла кючлю.
- Аманнга игилик этсенг, юйюнге сау бармазса.
- Уллу къашыкъ эрин джыртар.
- Адамны аты башхача, акъылы да башхады.
- Аманны эки битли тону болур, бирин сеннге кийдирир, бирин кеси киер.
- Танг атмайма десе да, кюн къоярыкъ тюйюлдю.
- Тойгъандан сора, ашны сёкме.
- Акъылсызны джууукъгъа алма, акъыллыны кенгнге салма.
- Къонагъы джокъну – шоху джокъ.
- Таш бла ургъанны, аш бла ур.
- Шапа кёб болса, аш татымсыз болур.
- Арба аугъандан сора, джол кёргюзтюучю кёб болур.
- Аш хазыр болса, иш харам болур.
- Ашда – бёрю, ишде – ёлю.
- Чомарт къонакъ юй иесин сыйлар.
- Айран тёгюлсе, джугъусу къалыр.
- Арбаз къынгырды да, ийнек сауалмайма.
- Джаз бир кюнню джатсанг, къыш талай кюнню абынырса.
- Башы ишлегенни, ауузу да ишлер.
- Хатерли къул болур.
- Аджаллыгъа окъсуз шкок атылыр.
- Ишин билген, аны сыйын чыгъарады.
- Намысы джокъну – дуниясы джокъ.
- Эл элде бирер малынг болгъандан эсе, бирер тенгинг болсун.
- Чёбню кёлтюрсенг, тюбюнден сёз чыгъар.
- Мухарны эси – ашарыкъда.
- Экеулен сёлеше тура эселе, орталарына барыб кирме.
- Иги болса, тамадама – махтау, аман болса, меннге – айыб.
- Къайгъыны сюйген, къайгъы табар.
- Татлы тилде – сёз ариу, чемер къолда – иш ариу.
- Къарт айтханны этмеген, къартаймаз.
- Ёлмесенг да, къарт дамы болмазса?
- Юреннген ауруу къалмаз.
- Къумурсхала джыйылсала, пилни да джыгъадыла.
- Атлыны ашхысы, ат тизгининден билинир
- Адамны аманы адамны бети бла ойнар.
- Агъач халкъгъа алтынды, иссиликге салкъынды.
- Азыгъы аз, алгъа къабар, аты аман, алгъа чабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72