- Суугъа – чабакъ, къаягъа – ыргъакъ.
- Ёлюк кебинсиз къалмаз.
- Къарт бла баш аша, джаш бла аякъ аша.
- Джашынгы кесинг юретмесенг, джашау юретир.
- Ашда уялгъан – мухар, ишде уялгъан – хомух.
- Элге къуллукъ этмеген, элге ие болмаз.
- Чакъырылмай келген къонакъ сыйланмай кетер.
- Къарнынг къанлынга кийирир.
- Тил бла келеди джыр да.
- Элде адам къалмаса, ит тахтагъа минер.
- Рысхы джалгъанды: келген да этер, кетген да этер.
- Ханы къызы буюгъа-буюгъа киштик болду.
- Адам боллукъ, атламындан белгили болур.
- Биреуге аманлыкъны тилеме да, кесинге ашхылыкъны тиле.
- Ёмюрлюк шохлукъну джел элтмез.
- Адебсиз адам – джюгенсиз ат.
- Тамырсыз терекге таянма – джыгъылырса.
- Накъырданы арты керти болур.
- Окъдан джара эртде-кеч болса да бителир, сёз джара, ёмюрге къалыр.
- Джети тилни билген джети кишиди.
- Джангыз терек къынгыр ёсер.
- Чомартха хар кюн да байрамды.
- Дуния аламаты сен эсенг да, игиме деб айтма.
- Кёбге таш атма.
- Гугук кесини атын айтыб къычыргъанча, мен, мен деб нек тураса?
- Аманнга да, игиге да оноусуз къатышма.
- Аз айтсам, кёб ангылагъыз.
- Душманны тышы – акъ, ичи – къара.
- Аджашханны ызындагъы кёреди, джангылгъанны джанындагъы биледи.
- Игини сыйлагъан адетди.
- Онгсузну – джакъла, тенгликни – сакъла.
- Тойгъан джерге джети къайт.
- Джерни букъусу кёкге къонмаз.
- Ач келгенни – тойдур, кеч келгенни – къондур.
- Телиге акъыл салгъандан эсе, ёлгеннге джан салырса.
- Билим къая тешер.
- Чёбню кёлтюрсенг, тюбюнден сёз чыгъар.
- Ашатыргъа иш – ашхы, ишлетирге аш – ашхы.
- Чабакъсыз кёлге къармакъ салгъанлыкъгъа, чабакъ тутмазса.
- Зар адамны насыбы болмаз.
- Аманнга игилик этсенг, юйюнге сау бармазса.
- Джумушакъ сёз къаты таякъны сындырыр.
- Аман къатын алгъан, арыр, иги къатын алгъан джарыр.
- Къонакъ хазыр болгъанлыкъгъа, къонакъбай хазыр тюлдю.
- Аз сёлеш, кёб ишле.
- Тёзген – тёш ашар!
- Мал кёб болса, джууукъ кёб болур.
- Джарлы джети элни сёзюн этер.
- Эли джокъну – кёлю джокъ.
- Кёлю джокъну – джолу джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72