- Ариуну – ауруу кёб.
- Аз сёлешген, къайгъысыз турур.
- Джырчы ёлсе, джыры къалыр.
- Къыз тиширыу кеси юйюнде да къонакъды.
- Эри аманны, къатыны – аман.
- Ёлюр джаннга, ёкюл джокъ.
- Сёлеш деб шай берген, тохта деб, сом берген.
- Адамгъа аман кюн соруб келмейди.
- Эрине къаргъыш этген къатын, эрнин къабар.
- Кёзден кетген, кёлден да кетеди.
- Ёксюзню тилеги къабыл болур.
- Дженгил джетерикме деб, узун джолну къоюб, къысхасын барма.
- Къумурсхала джыйылсала, пилни да джыгъадыла.
- Баргъанынга кёре болур келгенинг.
- Берекет берсин деген джерде, берекет болур.
- Аууздан келген, къолдан келсе, ким да патчах болур эди.
- Азыкъ аз болса, эртде орун сал.
- Чомартха хар кюн да байрамды.
- Эл элде бирер малынг болгъандан эсе, бирер тенгинг болсун.
- Тиширыусуз юй – отсуз от джагъа.
- Элиб деген, элге болушур.
- Рысхы – сют юсюнде кёмюк кибикди.
- Эринчекге кюн узун.
- Биреуге аманлыкъны тилеме да, кесинге ашхылыкъны тиле.
- Къошда джокъгъа – юлюш джокъ.
- Ашхы сёз таш тешер.
- Хунаны тюбюн къазсанг, юсюнге ауар.
- Айырылмаз джууугъунга, унутмаз сёзню айтма.
- Ургъан суудан башынгы сакъла.
- Акъыл сабырлыкъ берир.
- Джыланны къуйругъундан басарынг келсе, аны башы болгъанын унутма.
- Накъырда – кертини келечиси.
- Ёлмесенг да, къарт дамы болмазса?
- Чабар ат – джетген къыз.
- Ёзденликни кёбю ётюрюк.
- Билим къая тешер.
- Ёгюзню мюйюзлери ауурлукъ этмейдиле.
- «Ёгюз, джаргъа джууукъ барма, меннге джюк боллукъса», - дегенди эшек.
- Ауурну тюбю бла, дженгилни башы бла джюрюген.
- Бастасын ашагъан, хантусун да ичер.
- Рысхысына кёре, джаш ёсер, къышлыгъына кёре, мал ёсер.
- Тил джюрекге джол ишлейди.
- Босагъагъа джууукъ орун болса, ашыгъыб тёрге озма.
- Ишлегенде эринме, ишде чолакъ кёрюнме.
- Джумушакъ сёз къаты таякъны сындырыр.
- Мухардан ач ычхынмаз.
- Садакъачыны джаны – къапчыгъында.
- Байлыкъдан саулукъ ашхыды.
- Тюзлюк тас болмайды.
- Тенгинг джокъ эсе – изле, бар эсе – сакъла!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72