- Сакъалы текени да бар, мыйыгъы киштикни да бар.
- Ата Джуртуму башы болмасам да, босагъасында ташы болайым.
- Ач къарынны, токъ билмез
- Чабар ат – джетген къыз.
- Адеби болмагъан къыз – тузсуз хант.
- Аман адам элни бир-бирине джау этер.
- Ач келгенни – тойдур, кеч келгенни – къондур.
- Шекер бла туз – бир болмаз, ушамагъан – юй болмаз.
- Ашыкъгъанны этеги бутуна чырмалыр.
- Ишин билген, аны сыйын чыгъарады.
- Башсыз урчукъ тюзюне айланмаз.
- Иги сёз – джаннга азыкъ, аман сёз башха – къазыкъ.
- Адебни адебсизден юрен.
- Къууут – джелге, берне – бошха.
- Сютню башын джалагъан къутулур, тюбюн ичген тутулур.
- Къарны аманнга къазан такъдырма, къолу аманнга от джакъдырма.
- Тюзню ётмеги тюзде къалса да, тас болмаз.
- Баш – акъыл ючюн, акъылман – халкъ ючюн.
- Айырылгъанланы айю ашар, бёлюннгенлени бёрю ашар.
- Кийиминг бла танылма, адамлыкъ бла таныл.
- Билим ат болуб да чабар, къуш болуб да учар.
- Къонакъ аз олтурур, кёб сынар.
- Ашхылыкъ джерде джатмайды, аманлыкъ суугъа батмайды.
- Окъугъан озар, окъумагъан тозар.
- Баланы адам этген анады.
- Ашына кёре табагъы, балына кёре къалагъы.
- Телиге акъыл салгъандан эсе, ёлгеннге джан салырса.
- Сабийни джумушха джибер да, ызындан бар.
- Халкъны юйю – туугъан джери.
- Ариу сёз аурууунгу алыр.
- Эшекни не къадар тюйсенг да, ат болмаз.
- Тойчу джашха къарама, къойчу джашха къара.
- Тели турса – той бузар.
- Чыбыкълыкъда бюгюлмеген, къазыкълыкъда бюгюлмей эди.
- Ишлерге уял да, ашаргъа табма.
- Хансыз джомакъ болмаз.
- Кёб къычыргъандан – къоркъма, тынч олтургъандан – къоркъ.
- Адам боллукъ, атламындан белгили болур.
- Тойну къарнашы – харс, джырны къарнашы – эжиу.
- Телиге от эт десенг, юйюнге от салыр.
- Кютгени беш эчки, сызгъыргъаны уа, джерни джарады.
- Айырылмаз джууугъунга, унутмаз сёзню айтма.
- Джарлы джети элни сёзюн этер.
- Къан бла кирген, джан бла чыгъар.
- Ишленмеклик адамлыкъды.
- Туз, гырджын аша, тюзлюк бла джаша.
- Адамны бетине къарама, адетине къара.
- Азыкъ аз болса, эртде орун сал.
- Мадар болса, къадар болур.
- Сууда джау джокъ, кёб сёзде магъана джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72