- Босагъагъа джууукъ орун болса, ашыгъыб тёрге озма.
- Ханнга да келеди хариблик.
- Ашын ашагъанынгы, башын да сыйла.
- Мухарны эси – ашарыкъда.
- Ауузу бла къуш тута айланады.
- Этек чакъмакълары баш джаргъан, сёлешген сёзлери таш джаргъан.
- Кюлме джашха – келир башха.
- Джюз элде джюз ёгюзюм болгъандан эсе, джюз джууугъум болсун.
- Суугъа – таянма, джаугъа – ийнанма.
- Джарлы джети элни сёзюн этер.
- Намыс болмагъан джерде, насыб болмаз.
- Ишге юренсин къоллары, халкъ бла болсун джоллары.
- Кеси юйюмде мен да ханма.
- Юйюнгден чыкъдынг – кюнюнгден чыкъдынг.
- Биреуге аманлыкъны тилеме да, кесинге ашхылыкъны тиле.
- Аман адам этегингден тутса, кес да къач.
- Джырына кёре эжиую.
- Ач отунчуну ачыуу – бурнунда.
- Ариу сёз джыланны орнундан чыгъарыр.
- Акъылсызны джууукъгъа алма, акъыллыны кенгнге салма.
- Къарт болгъан джерде, берекет болур, сабий болгъан джерде, оюн болур.
- Кийимни бир кюнню аясанг, минг кюннге джарар.
- Чыбыкълыкъда бюгюлмеген, къазыкълыкъда бюгюлмей эди.
- Адам сёзюнден белгили.
- Тенги кёбню джау алмаз, акъылы кёбню дау алмаз.
- Ашхы сёз таш тешер.
- Къонакъны къачан кетерин сорма, къачан келлигин сор.
- Джарлы тюеге минсе да, ит къабар.
- Чёбню кёлтюрсенг, тюбюнден сёз чыгъар.
- Айраннга суу къош, телиге джол бош.
- Келлик заман – къартлыкъ келтирир, кетген заман – джашлыкъ ёлтюрюр.
- Къаллай салам берсенг, аллай джууаб алырса.
- Булут кёкге джарашыу, уят бетге джарашыу.
- Кенгеш болса, уруш болмаз.
- Иги адамны бир сёзю эки болмаз.
- Ичимден чыкъды хата, къайры барайым сата?
- Ёмюрлюк шохлукъну джел элтмез.
- Бир онгсуз адам адет чыгъарды, деб эштирик тюлсе.
- Тин – байлыгъынг, терен саулугъунг.
- Адамны аты башхача, акъылы да башхады.
- Аш иеси бла татлыды.
- Адеб джокъда, намыс джокъ.
- Кимни – тили, тиши онглу, кимни – къолу, иши онглу.
- Ётюрюк хапар аякъ тюбю бла джюрюйдю.
- Къолу уллу – асыу, аягъы уллу – джарсыу.
- Окъугъан – асыу, окъумагъан – джарсыу.
- Баргъанынга кёре болур келгенинг.
- Ата – баланы уясы.
- Рысхы – сют юсюнде кёмюк кибикди.
- Джумушакъ терекни къурт ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72