Эльбрусоид :: Форум :: Архив форумов

Ана къолу ачытмаз.
Биреу къой излей, биреу той излей.
Чомарт къонакъ юй иесин сыйлар.
Джан саулукъ бермей, сан саулукъ бермезсе.
Билген билмегенни юретген адетди.
Биреуге кёлтюрген таягъынг, кесинги башынга урур.
Чакъырылмагъан джерге барма, чакъырылгъан джерден къалма.
Арбаз сайлама да, хоншу сайла.
Биреу ашаб къутулур, биреу джалаб тутулур.
Чабакъ башындан чирийди.
Хар ишни да аллы къыйынды.
Джюрекге ариу – кёзге да ариу.
Ёлген аслан – сау чычхан.
Кийимни бир кюнню аясанг, минг кюннге джарар.
Булут кёкге джарашыу, уят бетге джарашыу.
Тойгъанлыкъ къойгъа джарашады.
Эки къатын алгъан – эки ташны ортасына башын салгъан.
Бир онгсуз адам адет чыгъарды, деб эштирик тюлсе.
Кийиминг бла танылма, адамлыкъ бла таныл.
Ишлемеген – тишлемез.
Къонакъ хазыр болгъанлыкъгъа, къонакъбай хазыр тюлдю.
Чыбыкълыкъда бюгюлмеген, къазыкълыкъда бюгюлмей эди.
Джашынгы кесинг юретмесенг, джашау юретир.
Джыйырма къойну юч джыйырма эбзе кюте эди.
Адам боллукъ, атламындан белгили болур.
Тулпарлыкъ, билекден тюл – джюрекден.
Таукел адам тау тешер.
Кийимни бичсенг, кенг бич, тар этген къыйын тюлдю.
Къазанда болса, чолпугъа чыгъар.
Аджашхан тёгерек айланыр.
Къызбайны юйюне дери сюрсенг, батыр болур.
Къарыусузгъа кюлме, онгсузгъа тийме.
Aдам боллукъ, сыфатындан белгили.
Ёксюзню тилеги къабыл болур.
Терслик кетер, тюзлюк джетер.
Сакъ юйюне сау барыр.
Накъырданы арты керти болур.
Джумушакъ сёз къаты таякъны сындырыр.
Эл ауузу – элек, анга ийнаннган – халек.
Къозулугъунда тоймагъан, къойлугъунда тоймаз.
Чомартха Тейри да борчлуду.
Шекер бла туз – бир болмаз, ушамагъан – юй болмаз.
Кёб къычыргъандан – къоркъма, тынч олтургъандан – къоркъ.
Ашлыкъны арба юйге келтирир, чана базаргъа элтир.
Аууздан келген, къолдан келсе, ким да патчах болур эди.
Ётюрюкчюню шагъаты – къатында.
Эркиши – от, тиширыу – суу.
Чабар ат – джетген къыз.
Башы джабылгъан челекге, кир тюшмез.
Алим болгъандан эсе, адам болгъан къыйынды.

Логин:
Пароль:
	Запомнить меня на этом компьютере

Забыли свой пароль?
Регистрация