- Ана къойну – балагъа джандет.
- Шайтан алдады, тюзлюк къаргъады.
- Къобан да къуру да къобханлай турмайды, адам да къуру да патчахлай турмайды.
- Ауурну тюбю бла, дженгилни башы бла джюрюген.
- Айыбны суу бла джууалмазса.
- Къонакъ кёб келюучю юйню, къазаны отдан тюшмез.
- Аджалсыз ёлюм болмаз.
- Нёгерсизни джолу узун.
- Сёлеш деб шай берген, тохта деб, сом берген.
- Тенги кёбню джау алмаз, акъылы кёбню дау алмаз.
- Юйюнг бла джау болгъандан эсе, элинг бла джау бол.
- Эринчекни аурууу – кёб.
- Аман эсирсе, юйюн ояр.
- Ёгюзню мюйюзюнден тутадыла, адамны сёзюнден тутадыла.
- Ёзденликни кёбю ётюрюк.
- Аллахдан тилесенг, кёб тиле.
- Аманнга игилик этсенг, юйюнге сау бармазса.
- Билимсиз иш бармаз.
- Экиндини кеч къылсанг, чабыб джетер ашхам.
- Къоркъакъны кёзю экили кёрюр.
- Агъач – джерни чырайы, кийим – эрни чырайы.
- Къарнынг бла ёч алма.
- Ишленмеген джаш – джюгенсиз ат, ишленмеген къыз – тузсуз хант.
- Ата Джуртун танымагъан, атасын да танымаз.
- Ариуну – ауруу кёб.
- Къолу уллу – асыу, аягъы уллу – джарсыу.
- Кёз – сюйген джерде, къол – ауругъан джерде.
- Ач къарынны, токъ билмез
- Чакъырылмай келген къонакъ сыйланмай кетер.
- Ач къарным, тынч къулагъым.
- Сакъалы текени да бар, мыйыгъы киштикни да бар.
- Эл бла кёргенинг эрелей.
- Ашыкъгъанны этеги бутуна чырмалыр.
- Къралынгы – душмандан, башынгы от бла суудан сакъла.
- Къонакъ хазыр болгъанлыкъгъа, къонакъбай хазыр тюлдю.
- Ашхы – джыяр, аман – джояр.
- Аурууну келиую тынч, кетиую – къыйын.
- Аманнга да, игиге да оноусуз къатышма.
- Къарт айтханны этмеген, къартаймаз.
- Тау башында, тау болмаз, джангыз терек, бау болмаз.
- Ачлыкъда тары гырджын халыуадан татлы.
- Ётюрюкден тюбю джокъ, кёлтюрюрге джиби джокъ.
- Аджаллыгъа окъсуз шкок атылыр.
- Зар адам ашынгы ашар, кесинги сатар.
- Ана къолу ачытмаз.
- Атлыны кёрсе, джаяуну буту талыр.
- Кёзю сокъурдан – къоркъма, кёлю сокъурдан – къоркъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тилчи бир сагъатха айлыкъ хата этер.
- Къарны аманнга къазан такъдырма, къолу аманнга от джакъдырма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72