- Эл ауузу – элия.
- Уллу айтханны этмеген – уллаймаз.
- Сакъалы текени да бар, мыйыгъы киштикни да бар.
- Джигер – джаннга къыйынлыкъ.
- Аууздан келген, къолдан келсе, ким да патчах болур эди.
- Тай асырагъан, атха минер.
- Дууулдаса – бал чибин, къонса – къара чибин.
- Джылкъыдан – ат чыгъар, тукъумдан – джаш чыгъар.
- Адамгъа аман кюн соруб келмейди.
- Акъыл аздырмаз, билим тоздурмаз.
- Ауругъаннга – кийик саулукъ, джетген къызгъа – чилле джаулукъ.
- Юйлю уругъа ит чабмаз.
- Юре билмеген ит, къонакъ келтирир.
- Джан саулукъ бермей, сан саулукъ бермезсе.
- Биреуге аманлыкъны тилеме да, кесинге ашхылыкъны тиле.
- Хар адамгъа кеси миннген тау кибик.
- Аллахха ийнаннган кишини, Аллах онгдурур ишин.
- Ашыкъгъан cуу, тенгизге джетмез.
- Сескекли кесин билдирир.
- Джыгъылгъанны сырты джерден тоймаз.
- Къыз тиширыу кеси юйюнде да къонакъды.
- Ётюрюкден тюбю джокъ, кёлтюрюрге джиби джокъ.
- Уллу къазанда бишген эт, чий къалмаз.
- Айран тёгюлсе, джугъусу къалыр.
- Таякъ этден ётер, тил сюекден ётер.
- Ауурну тюбю бла, дженгилни башы бла джюрюген.
- Айыбны суу бла джууалмазса.
- Чомартха хар кюн да байрамды.
- Чомарт джарлы болмаз.
- Аджал соруб келмез, келсе, къайтыб кетмез.
- Тулпарлыкъ, билекден тюл – джюрекден.
- Эшекни не къадар тюйсенг да, ат болмаз.
- Окъугъан – асыу, окъумагъан – джарсыу.
- Джаралыны джастыгъында сау ёлюр.
- Ач да бол, токъ да бол – намысынга бек бол.
- Намысы джокъну – дуниясы джокъ.
- Адам туугъан джеринде, ит тойгъан джеринде.
- Эркиши – от, тиширыу – суу.
- Айтханы чапыракъдан ётмеген.
- Сакъламагъан затынга джолукъсанг, не бек къууанаса, не бек ачыйса.
- Суугъа – чабакъ, къаягъа – ыргъакъ.
- Терек ауса, отунчу – кёб.
- Тили узунну, намысы – къысха.
- Кюлме джашха – келир башха.
- Айырылгъанланы айю ашар, бёлюннгенлени бёрю ашар.
- Джюрек кёзден алгъа кёрюр.
- Хата – гитчеден.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кийиминг бла танылма, адамлыкъ бла таныл.
- Танг атмайма десе да, кюн къоярыкъ тюйюлдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72