- Ёгюзню мюйюзюнден тутадыла, адамны сёзюнден тутадыла.
- Джаз бир кюнню джатсанг, къыш талай кюнню абынырса.
- Гугук кесини атын айтыб къычыргъанча, мен, мен деб нек тураса?
- Тешик этген тынчды, аны джамагъан къыйынды.
- Тамырсыз терекге таянма – джыгъылырса.
- Чомартны къолун джокълукъ байлар.
- Акъыллы эркиши атын махтар, акъылсыз эркиши къатынын махтар.
- Джети тилни билген джети кишиди.
- Кёбню кёрген – кёб билир.
- Хаухну атма, ёнгкючню сатма.
- Келгинчи, къонакъ уялыр, келгенден сора, къонакъбай уялыр.
- Адеб джокъда, намыс джокъ.
- Къызбайны юйюне дери сюрсенг, батыр болур.
- Ичимден чыкъды хата, къайры барайым сата?
- Эм ашхы къайын ана мамукъ бла башынгы тешер.
- Джерни букъусу кёкге къонмаз.
- Айыбны суу бла джууалмазса.
- Сёз сёзню айтдырыр.
- Окъуу – билимни ачхычы, окъуу – дунияны бачхычы.
- Танг атмайма десе да, кюн къоярыкъ тюйюлдю.
- Джюрекге ариу – кёзге да ариу.
- Ашатыргъа иш – ашхы, ишлетирге аш – ашхы.
- Ауругъаннга – кийик саулукъ, джетген къызгъа – чилле джаулукъ.
- Тойну къарнашы – харс, джырны къарнашы – эжиу.
- Юре билмеген ит, къонакъ келтирир.
- Джылар джаш, атасыны сакъалы бла ойнар.
- Биреуню эскиси биреуге джангы болмайды.
- Суугъа – таянма, джаугъа – ийнанма.
- Эл ауузу – элия.
- Тёгюлген тюгел джыйылмайды.
- Айырылмаз джууугъунга, унутмаз сёзню айтма.
- Джарлы эскисин джамаса, къууаныр.
- Кёзню ачылгъаны – иги, ауузну джабылгъаны – иги.
- Ашыкъгъан cуу, тенгизге джетмез.
- Тил – кесген бычакъ, сёз – атылгъан окъ.
- Арба аугъандан сора, джол кёргюзтюучю кёб болур.
- Накъырданы арты керти болур.
- Келлик заман – къартлыкъ келтирир, кетген заман – джашлыкъ ёлтюрюр.
- Суу ичген шауданынга тюкюрме.
- Иги сеники эсе да, сюйген кесимикин этеме.
- Кютгени беш эчки, сызгъыргъаны уа, джерни джарады.
- Кёбге таш атма.
- Байлыкъдан саулукъ ашхыды.
- Ойнаб айтсанг да, эслеб айт.
- Айран ичген – къутулду, джугъусун джалагъан – тутулду.
- Окъдан джара эртде-кеч болса да бителир, сёз джара, ёмюрге къалыр.
- Аман адам этегингден тутса, кес да къач.
- Тёрени джагъы джокъ.
- Кийимни бир кюнню аясанг, минг кюннге джарар.
- Аманнга игилик этсенг, юйюнге сау бармазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72