- Чакъырылмагъан къонакъ – орунсуз.
- Аш хазыр болса, иш харам болур.
- Эки къатын алгъанны къулагъы тынгнгаймаз.
- Алтыннга тот къонмаз.
- Эл бла кёргенинг эрелей.
- Байны къызы баймакъ болса да, юйде къалмаз!
- Аман къатын алгъан, арыр, иги къатын алгъан джарыр.
- Тай асырагъан, атха минер.
- Къыйынлы джети элни къайгъысын этер.
- Къартны сыйын кёрмеген, къартлыгъында сыйлы болмаз.
- Ана кёлю – балада, бала кёлю – талада.
- Къарнынг тойгъунчу аша да, белинг талгъынчы ишле.
- Кёзюнде тереги болгъан, чёбю болгъаннга кюле эди.
- Тил джюрекге джол ишлейди.
- Борчунг бар эсе, хурджунунга ойлаб узал.
- Ишни ахырын ойламай, аллын башлама.
- Окъуусуз билим – джокъ, билимсиз кюнюнг – джокъ.
- Эр сокъур болсун, къатын тилсиз болсун.
- Тешик этген тынчды, аны джамагъан къыйынды.
- Къуру гыбыт бек дыгъырдар.
- Джерни букъусу кёкге къонмаз.
- Биреу ашаб къутулур, биреу джалаб тутулур.
- Насыб бютеу халкъны юлюшюдю.
- Бек анасы джыламаз.
- Эрине къаргъыш этген къатын, эрнин къабар.
- Чомарт бергенин айтмаз.
- Ёксюзню тилеги къабыл болур.
- Джылыгъа джылан илешир.
- Къартны бурнун сюрт да, оноугъа тут.
- Къазанны башы ачыкъ болса, итге уят керекди.
- Миллетни бойну – базыкъ, аны бла кюрешген – джазыкъ.
- Ашхы адам – халкъ байлыгъы, ашхы джер – джашау байлыгъы.
- Ётюрюк хапар аякъ тюбю бла джюрюйдю.
- Ёлген аслан – сау чычхан.
- Элни кючю – эмеген.
- Чомартны къолу берекет.
- Акъыл неден да кючлюдю.
- Джеринден айырылгъан – джети джылар, джуртундан айырылгъан – ёлгюнчю джылар.
- Баланы адам этген анады.
- Таукел адам тау тешер.
- Тойгъан джерге джети къайт.
- Таякъ этден ётер, тил сюекден ётер.
- Биреуге аманлыкъны тилеме да, кесинге ашхылыкъны тиле.
- Аш иеси бла татлыды.
- Къарт болгъан джерде, берекет болур, сабий болгъан джерде, оюн болур.
- Башланнган иш битер, къымылдагъан тиш тюшер.
- Керти сёзге тёре джокъ.
- Биреуге кёлтюрген таягъынг, кесинги башынга урур.
- Джырына кёре эжиую.
- Къыйынлы джети элге оноу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72