- Джарлыны эшигин махтагъан джабар.
- Ашха уста, юйюнде болсун
- Джахил болса анасы, не билликди баласы?
- Душманны тышы – акъ, ичи – къара.
- Олтуруб кёрюнмей эди да, ёрге туруб кёрюне эди.
- Иги сёз – джаннга азыкъ, аман сёз башха – къазыкъ.
- Нёгер болсанг, тенг бол, тенг болмасанг, кенг бол.
- Ач къарынны, токъ билмез
- Чалманны аллы къалай башланса, арты да алай барады.
- Аджалсыз ёлюм болмаз.
- Азыкъ аз болса, эртде орун сал.
- Башынга джетмегенни сорма.
- Тюзлюк шохлукъну бегитир.
- Ариу – кёзге, акъыл – джюрекге.
- Арба аугъандан сора, джол кёргюзтюучю кёб болур.
- Адеби болмагъан къыз – тузсуз хант.
- Гырджын – тепсини тамадасы.
- Кёкдеги болмаса, джердегин кёрмейди.
- Агъач – джерни чырайы, кийим – эрни чырайы.
- Чакъырылмай келген къонакъ сыйланмай кетер.
- Джумушакъ сёз къаты таякъны сындырыр.
- Тил джюрекге джол ишлейди.
- Мал кёб болса, джууукъ кёб болур.
- Рысхы – сют юсюнде кёмюк кибикди.
- Кёзю сокъурдан – къоркъма, кёлю сокъурдан – къоркъ.
- Борчунг бар эсе, хурджунунга ойлаб узал.
- От этилмеген джерден тютюн чыкъмайды.
- Джеринден айырылгъан – джети джылар, джуртундан айырылгъан – ёлгюнчю джылар.
- Узун джолну барсанг, бюгюн келирсе, къысха джолну барсанг, тамбла келирсе.
- Ёлген эшек бёрюден къоркъмайды.
- Азыгъы аз, алгъа къабар, аты аман, алгъа чабар.
- Хантына кёре тузу, юйюне кёре къызы.
- Джюрекге ариу – кёзге да ариу.
- Джашлыкъ этмеген, башлыкъ этмез.
- Тилчи тилден къаныкъмаз.
- Насыблы элин сюер, насыбсыз кесин сюер.
- Ашхы болсанг, атынг чыгъар, аман болсанг, джанынг чыгъар.
- Туз, гырджын аша, тюзлюк бла джаша.
- Къонакъ аман болса, къонакъбай джунчур
- Нёгерсизни джолу узун.
- Джукъу тёшек сайламайды.
- Ач отунчуну ачыуу – бурнунда.
- Билим – акъылны чырагъы.
- Кесине оноу эте билмеген, халкъына да эте билмез.
- Намыс сатылыб алынмайды.
- Эркишиге тары кебек танг кёрюнюр.
- Тойгъан джерден туугъан джер игиди.
- Аякъларынгы джууургъанынга кёре узат.
- Босагъагъа джууукъ орун болса, ашыгъыб тёрге озма.
- Тик ёргени, тик энгишгеси да болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72