- Илму – джашауну джолу.
- Чакъырылмай келген къонакъ сыйланмай кетер.
- Ач келгенни – тойдур, кеч келгенни – къондур.
- Кийиминг бла танылма, адамлыкъ бла таныл.
- Ойнаб айтсанг да, эслеб айт.
- Аллахдан тилесенг, кёб тиле.
- Сакъалы текени да бар, мыйыгъы киштикни да бар.
- Окъ къызбайны джокълайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Джигер – джаннга къыйынлыкъ.
- Керилген да, ургъан кибикди.
- Хаухну атма, ёнгкючню сатма.
- Ачыу алгъа келсе, акъыл артха къалады.
- Нёгер болсанг, тенг бол, тенг болмасанг, кенг бол.
- Биреу ашаб къутулур, биреу джалаб тутулур.
- Игилик игилик бла сингдирилиучю затды.
- Рысхы – насыбха къор.
- Ёзденликни кёбю ётюрюк.
- Алгъанда – джууукъ, бергенде – джау.
- Байлыкъ адамны сокъур этер.
- Къая джолда джортма, ачыкъ сёзден къоркъма.
- Хоншуну тауугъу къаз кёрюнюр, келини къыз кёрюнюр.
- Агъач – джерни чырайы, кийим – эрни чырайы.
- Кесине оноу эте билмеген, халкъына да эте билмез.
- Эм ашхы къайын ана мамукъ бла башынгы тешер.
- Чакъырылмагъан къонакъ – орунсуз.
- Кёпюр салгъан кеси ётер, уру къазгъан кеси кетер.
- Ач бёрюге мекям джокъ.
- Ётюрюкчюню шагъаты – къатында.
- Эркиши – от, тиширыу – суу.
- Ат басханны джер билед.
- Эм уллу байлыкъ – джан саулукъ.
- Къарт бла баш аша, джаш бла аякъ аша.
- Джылар джаш, атасыны сакъалы бла ойнар.
- Билмегенинги, билгеннге сор.
- Келинин тута билмеген, къул этер, къызын тута билмеген, тул этер.
- Тюз сёз баргъан сууну тыяр.
- Акъыллы айтыр эди, акъылсыз къоймайды.
- Ана къолу ачытмаз.
- Ашарыкъда сайлагъаннга – чий гырджын.
- Уллу суу бла уллу ауруудан башынгы сакъла.
- Тёрени джагъы джокъ.
- Адам сёзюнден белгили.
- Къолу уллу – асыу, аягъы уллу – джарсыу.
- Байдан умут эте, джарлыдан ёгюз багъасы къорады.
- Тилчи тилден къаныкъмаз.
- Эри аманны, къатыны – аман.
- Акъыллы башны – тили къысха.
- Сёз сёзню айтдырыр.
- Ханы къызы буюгъа-буюгъа киштик болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72