- Ата джурт – алтын бешик.
- Таугъа чыгъаллыкъ эсенг, тюзде къалма.
- Сёз садакъдан кючлюдю.
- Айтылгъан буйрукъ, сёгюлмез
- Къарт болгъан джерде, берекет болур, сабий болгъан джерде, оюн болур.
- Къыз тиширыу кеси юйюнде да къонакъды.
- Къар – келтирди, суу – элтди.
- Биреуге кёлтюрген таягъынг, кесинги башынга урур.
- Бичгенде ашыкъма, тикгенде ашыкъ.
- Тилсиз миллет джокъ болур.
- Адамны сабийин сюйген джюреги, бычакъча, джитиди.
- Аш берме да, къаш бер.
- Ауругъаннга – кийик саулукъ, джетген къызгъа – чилле джаулукъ.
- Чомарт джарлы болмаз.
- Тил – миллетни джаны.
- Ауругъанны сау билмез, ач къарынны токъ билмез.
- Хунаны тюбюн къазсанг, юсюнге ауар.
- Тойгъа алгъа да барма, тойда артха да къалма.
- Битмегеннге сакъал – танг.
- Къаллай салам берсенг, аллай джууаб алырса.
- Ашына кёре табагъы, балына кёре къалагъы.
- Танг атмайма десе да, кюн къоярыкъ тюйюлдю.
- Ишин билген, аны сыйын чыгъарады.
- Малны кют, джерни тюрт.
- Къошда джокъгъа – юлюш джокъ.
- Кёбден умут этиб, аздан къуру къалма.
- Алма терегинден кери кетмез.
- Тилде сюек болмаса да, сюек сындырыр.
- Этек чакъмакълары баш джаргъан, сёлешген сёзлери таш джаргъан.
- Кёл ашады да, кеси ашады.
- Онгсузну – джакъла, тенгликни – сакъла.
- Бек ашыкъгъан меннге джетсин, дегенди аракъы.
- Биреуню къыйынлыгъы бла кесинге джол ишлеме.
- Эшекни не къадар тюйсенг да, ат болмаз.
- Бир онгсуз адам адет чыгъарды, деб эштирик тюлсе.
- Телиге от эт десенг, юйюнге от салыр.
- Аурууну келиую тынч, кетиую – къыйын.
- Адамгъа аман кюн соруб келмейди.
- Чабакъсыз кёлге къармакъ салгъанлыкъгъа, чабакъ тутмазса.
- Кенгеш болса, уруш болмаз.
- Башда акъыл болмаса, эки аякъгъа кюч джетер.
- Келгинчи, къонакъ уялыр, келгенден сора, къонакъбай уялыр.
- Ашыкъгъан cуу, тенгизге джетмез.
- Къулакъдан эсе, кёзге ышан.
- Адамны сыфатына къарама, сёзюне къара.
- Аджал соруб келмез, келсе, къайтыб кетмез.
- Таукел тауну аудурур.
- Мухар, кеси тойса да, кёзю тоймаз.
- Экиндини кеч къылсанг, чабыб джетер ашхам.
- Мал ёлсе, сюек къалыр, адам ёлсе, иши къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72