- Намыс сатылыб алынмайды.
- Байны оноуу, джарлыгъа джарамаз.
- Кёл – къызбай, къол – батыр.
- Чабар ат – джетген къыз.
- Аякъларынгы джууургъанынга кёре узат.
- Эшекни не къадар тюйсенг да, ат болмаз.
- Ётген ёмюр – акъгъан суу.
- Аманны тукъумуна къарама, игини тукъумун сорма.
- Гитче джилтин уллу элни джандырыр.
- Зар адам ашынгы ашар, кесинги сатар.
- Таякъ этден ётер, тил сюекден ётер.
- Абынмазлыкъ аякъ джокъ, джангылмазлыкъ джаякъ джокъ.
- Рысхы – сют юсюнде кёмюк кибикди.
- Аш кетер да бет къалыр.
- Адамгъа аман кюн соруб келмейди.
- Къумурсхала джыйылсала, пилни да джыгъадыла.
- Сыфатында болмагъаны, суратында болмаз.
- Ана къолу ачытмаз.
- Аджал соруб келмез, келсе, къайтыб кетмез.
- Ойнай билмеген, оюн бузар.
- Эл ауузу – элек, анга ийнаннган – халек.
- Аш берме да, къаш бер.
- Кимни – тили, тиши онглу, кимни – къолу, иши онглу.
- Ач къарным, тынч къулагъым.
- Акъыл бла адеб эгизледиле.
- Ариу сёз джыланны орнундан чыгъарыр.
- Адамны сабийин сюйген джюреги, бычакъча, джитиди.
- Эл ауузу – элия.
- Кирсизни – саны таза, халалны – къаны таза.
- Эрни эр этерик да, къара джер этерик да, тиширыуду.
- Ата Джуртуму башы болмасам да, босагъасында ташы болайым.
- Ачлыкъда тары гырджын халыуадан татлы.
- Билимли ёлмез, билимсиз кёрмез.
- Билим ат болуб да чабар, къуш болуб да учар.
- Тенгинг джокъ эсе – изле, бар эсе – сакъла!
- Аман киши кеси юйюнде – къонакъ.
- Бал – татлы, балдан да бала – татлы.
- Акъыл неден да кючлюдю.
- Биреуге кёлтюрген таягъынг, кесинги башынга урур.
- Сабыр джетер муратха, сабырсыз къалыр уятха.
- Бети бедерден, намыс сакълама.
- Ётюрюкню башын керти кесер.
- Ач да бол, токъ да бол – намысынга бек бол.
- Тамчы таш тешер.
- Тёрде – темир таякълы, къаяда – чыпчыкъ аякълы.
- Адеб этмеген, адеб кёрмез.
- Биреу ашаб къутулур, биреу джалаб тутулур.
- Ханы къызы буюгъа-буюгъа киштик болду.
- Адеб базарда сатылмаз.
- Ётюрюкчюню шагъаты – къатында.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72