- Джангызны оту джарыкъ джанмаз!
- Джаз бир кюнню джатсанг, къыш талай кюнню абынырса.
- Аман къатын алгъан, арыр, иги къатын алгъан джарыр.
- Джиби бир къат джетмей эди да, эки къат тарта эди.
- Итли къонакъ джарашмаз.
- Кечеси – аяз, кюню – къыш, джарлы къаргъагъа бир аш тюш!
- Уллу атлама – абынырса, уллу къабма – къарылырса.
- Къаллай салам берсенг, аллай джууаб алырса.
- Кийим тукъум сордурур.
- Адам къаллай бир ишленмесе, аллай бир кесин уллу кёреди.
- Айран ичген – къутулду, джугъусун джалагъан – тутулду.
- Этни бети бла шорпасы.
- Джашлыкъ этмеген, башлыкъ этмез.
- Булут кёкге джарашыу, уят бетге джарашыу.
- Сибиртки да сыйлы болду, кюрек да кюнлю болду.
- Кёлсюзден сёзсюз тууар.
- Джюрек кёзден алгъа кёрюр.
- Зар адамны насыбы болмаз.
- Кийиминг бла танылма, адамлыкъ бла таныл.
- Уллу сёлешме да, уллу къаб.
- Къонакъ хазыр болгъанлыкъгъа, къонакъбай хазыр тюлдю.
- Къоркъакъны кёзю экили кёрюр.
- Ёлген аслан – сау чычхан.
- Джырына кёре эжиую.
- Ёлмесенг да, къарт дамы болмазса?
- Ата Джуртуму башы болмасам да, босагъасында ташы болайым.
- Ёгюзню мюйюзюнден тутадыла, адамны сёзюнден тутадыла.
- Адам боллукъ, атламындан белгили болур.
- Къонагъынгы артмагъын алма да, алгъышын ал.
- Гырджын – тепсини тамадасы.
- Телиге от эт десенг, юйюнге от салыр.
- Къолу уллу – асыу, аягъы уллу – джарсыу.
- Келлик заман – къартлыкъ келтирир, кетген заман – джашлыкъ ёлтюрюр.
- Ачылгъан эт джабылыр, кёрген кёз унутмаз.
- Аман адам этегингден тутса, кес да къач.
- Джылар джаш, атасыны сакъалы бла ойнар.
- Нёгер болсанг, тенг бол, тенг болмасанг, кенг бол.
- Адамны джюреги нени кёрюрге сюйсе, кёзю да аны кёрюрге ёч болады.
- Айранны сюйген, ийнек тутар.
- Джашда акъыл джокъ, къартда къарыу джокъ.
- Ханнга да келеди хариблик.
- Ишлегенден, къарагъан уста.
- Зар адам ашынгы ашар, кесинги сатар.
- Бастасын ашагъан, хантусун да ичер.
- Байлыкъ тауусулур, билим тауусулмаз.
- Тилсиз миллет джокъ болур.
- Экеулен сёлеше тура эселе, орталарына барыб кирме.
- Къонагъы джокъну – шоху джокъ.
- Эркишиге тары кебек танг кёрюнюр.
- Ишни аллы бла къууанма да, арты бла къууан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72