Эльбрусоид :: Форум :: Архив форумов

Таугъа чыгъаллыкъ эсенг, тюзде къалма.
Ашха уста, юйюнде болсун
«Ма», - дегенни билмесенг, «бер», - дегенни билмезсе.
Бети къызарыучу адамны, джюреги харам болмаз.
Алим болгъандан эсе, адам болгъан къыйынды.
Этни да ашады, бетни да ашады.
Аз айтсам, кёб ангылагъыз.
Къызны минг тилер, бир алыр.
Чабакъ башындан чирийди.
Тешигини къатында, чычхан да батыр болур.
Адамны аманы адамны бети бла ойнар.
Адамны артындан къара сабан сюрме.
Кёбге таш атма.
Тас болгъан бычакъны сабы – алтын.
Къарны аманнга къазан такъдырма, къолу аманнга от джакъдырма.
Кёбден умут этиб, аздан къуру къалма.
Халкъгъа джарагъан, джарлы къалмаз.
Босагъагъа джууукъ орун болса, ашыгъыб тёрге озма.
Чакъырылмагъан къонакъ къачан кетерин сормаз.
Джетген къыз джерли эшекни танымаз.
Ачыу алгъа келсе, акъыл артха къалады.
Акъыллы – эл иеси, тели – эл баласы.
Джан саулукъ бермей, сан саулукъ бермезсе.
Бир абыннган – минг сюрюнюр.
Адам сёзюнден белгили.
Байны оноуу, джарлыгъа джарамаз.
Адамны аты башхача, акъылы да башхады.
Дуния аламаты сен эсенг да, игиме деб айтма.
Аууз сакълагъан – джан сакълар.
Тенги кёбню джау алмаз, акъылы кёбню дау алмаз.
Эр абынмай, эл танымаз.
Ач къалгъандан, кеч къалгъан къолай.
Юйлю уругъа ит чабмаз.
Окъдан джара эртде-кеч болса да бителир, сёз джара, ёмюрге къалыр.
Джарлыны эшигин махтагъан джабар.
Ауругъанны сау билмез, ач къарынны токъ билмез.
Ётген ёмюр – акъгъан суу.
Итли къонакъ джарашмаз.
Арба аугъандан сора, джол кёргюзтюучю кёб болур.
Насыблы элин сюер, насыбсыз кесин сюер.
Билгенни къолу къарны джандырыр.
Аджашханны ызындагъы кёреди, джангылгъанны джанындагъы биледи.
Дуния мал дунияда къалады.
Джюрекден джюрекге джол барды.
Джолунга кёре – джюрюшюнг, джагъанга кёре – юлюшюнг.
Мал ёлсе, сюек къалыр, адам ёлсе, иши къалыр.
Къыз тиширыу кеси юйюнде да къонакъды.
Къар – келтирди, суу – элтди.
Нёгерсизни джолу узун.
Кёбню кёрген – кёб билир.

Логин:
Пароль:
	Запомнить меня на этом компьютере

Забыли свой пароль?
Регистрация