- Аууз сакълагъан – джан сакълар.
- Аджалсыз ёлюм болмаз.
- Биреу къой излей, биреу той излей.
- Ашаса, ашамаса да, бёрюню ауузу – къан.
- Ёзденликни джайгъан – джокълукъ.
- Намысы болмагъанны, сыйы болмаз.
- Къарнынг ауруса, ауузунгу тый
- Суугъа – таянма, джаугъа – ийнанма.
- Эркишини аманы тиширыуну джылатыр.
- Джылкъыдан – ат чыгъар, тукъумдан – джаш чыгъар.
- Джиби бир къат джетмей эди да, эки къат тарта эди.
- Дженгил джетерикме деб, узун джолну къоюб, къысхасын барма.
- Тюзлюк тас болмайды.
- Абынмазлыкъ аякъ джокъ, джангылмазлыкъ джаякъ джокъ.
- Къартха ушагъан джаш – акъыллы, джашха ушагъан къарт – тели.
- Экеулен сёлеше тура эселе, орталарына барыб кирме.
- Ат да турмайды бир териде.
- Биреуге аманлыкъны тилеме да, кесинге ашхылыкъны тиле.
- Тойну къарнашы – харс, джырны къарнашы – эжиу.
- Ишлегенден, къарагъан уста.
- Ишлегенде эринме, ишде чолакъ кёрюнме.
- Джети тилни билген джети кишиди.
- Тынгылагъан тынгы бузар.
- Чакъырылмагъан джерге барма, чакъырылгъан джерден къалма.
- Къонакъ кёб келюучю юйню, къазаны отдан тюшмез.
- Тамчы таш тешер.
- Джумушакъ сёз къаты таякъны сындырыр.
- Къанны къан бла джуума, аманны аман бла къуума.
- Джетген къыз джерли эшекни танымаз.
- Аманны тукъумуна къарама, игини тукъумун сорма.
- Шекер бла туз – бир болмаз, ушамагъан – юй болмаз.
- Ойнай-ойнай кёз чыгъар.
- Сабийликде юретмесенг, уллу болса – тюзелмез.
- Чомартха Тейри да борчлуду.
- Этни да ашады, бетни да ашады.
- Тойгъанлыкъ къойгъа джарашады.
- Джолунга кёре – джюрюшюнг, джагъанга кёре – юлюшюнг.
- Ишлемеген – тишлемез.
- Акъыл бла адеб эгизледиле.
- Миллетни бойну – базыкъ, аны бла кюрешген – джазыкъ.
- Джаш болсун, къыз болсун, акъылы, саны тюз болсун.
- Сёз сёзню айтдырыр.
- Джюз элде джюз ёгюзюм болгъандан эсе, джюз джууугъум болсун.
- Къалгъан ишге къар джауар.
- Тёрде – темир таякълы, къаяда – чыпчыкъ аякълы.
- Аджал соруб келмез, келсе, къайтыб кетмез.
- Юй ишлеген балта эшикде къалыр.
- Сыфатында болмагъаны, суратында болмаз.
- Магъанасыз сёз – тауушсуз сыбызгъы.
- Джангызны оту джарыкъ джанмаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72