- Къыз тиширыу кеси юйюнде да къонакъды.
- Адамны адамлыгъы къыйынлыкъда айгъакъланады.
- Тюзлюк шохлукъну бегитир.
- Намысы джокъну – дуниясы джокъ.
- Къарын къуру болса, джюрек уру болур.
- Аман эсирсе, юйюн ояр.
- Джарлы эскисин джамаса, къууаныр.
- Нёгерсизни джолу узун.
- Байлыкъ келсе, акъыл кетер.
- Хантына кёре тузу, юйюне кёре къызы.
- Азыгъы аз, алгъа къабар, аты аман, алгъа чабар.
- Мени джылытмагъан кюн, меннге тиймесин!
- Ашхы сёз таш тешер.
- Байлыкъ тауусулур, билим тауусулмаз.
- Адамны бетине къарама, адетине къара.
- Мураты болгъанны джюрек тебюую башхады.
- Айранны сюйген, ийнек тутар.
- Башы джабылгъан челекге, кир тюшмез.
- Тилчи бир сагъатха айлыкъ хата этер.
- Ётюрюк хапар аякъ тюбю бла джюрюйдю.
- Къазанчы аман болса, къазаны къайнамаз.
- Атадан ёксюз – бир ёксюз, анадан ёксюз – эки ёксюз.
- Ётюрюкден тюбю джокъ, кёлтюрюрге джиби джокъ.
- Къызын тута билмеген, тул этер, джашын тута билмеген, къул этер.
- Мал ёлсе, сюек къалыр, адам ёлсе, иши къалыр.
- Мухарны эси – ашарыкъда.
- Къан бла кирген, джан бла чыгъар.
- Къыз келсе, джумуш эте келеди, къатын келсе, ушакъ эте келеди.
- Иги болса, тамадама – махтау, аман болса, меннге – айыб.
- Къая джолда джортма, ачыкъ сёзден къоркъма.
- Ёксюзню къалачы уллу кёрюнюр.
- Юйлю уругъа ит чабмаз.
- Ариу сёз аурууунгу алыр.
- Тенгни тенглиги джашай барсанг билинир.
- Керек ташны ауурлугъу джокъ.
- Кимни – тили, тиши онглу, кимни – къолу, иши онглу.
- Тюзлюк тас болмайды.
- Гитче джилтин уллу элни джандырыр.
- Ашын ашагъанынгы, башын да сыйла.
- Олтуруб кёрюнмей эди да, ёрге туруб кёрюне эди.
- Бёрю да ач къалмасын, эчки да ашалмасын.
- Къонакъ аз олтурур, кёб сынар.
- Ашыкъгъанны этеги бутуна чырмалыр.
- Кесинг сынамагъан затны, адамгъа буюрма.
- Джаралыны джастыгъында сау ёлюр.
- Оюмсуз атлагъан, аджалсыз ёлюр.
- Ётюрюкню башын керти кесер.
- Тилсиз миллет джокъ болур.
- Башсыз урчукъ тюзюне айланмаз.
- Байлыкъдан саулукъ ашхыды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72