- Джерни букъусу кёкге къонмаз.
- Тилсиз миллет джокъ болур.
- Баргъанынга кёре болур келгенинг.
- Ёлюр джаннга, ёкюл джокъ.
- Берекет берсин деген джерде, берекет болур.
- Къолу уллу – асыу, аягъы уллу – джарсыу.
- Айырылгъанланы айю ашар, бёлюннгенлени бёрю ашар.
- Ата Джуртча джер болмаз, туугъан элча эл болмаз.
- Чомартха хар кюн да байрамды.
- Аууздан келген, къолдан келсе, ким да патчах болур эди.
- Байны оноуу, джарлыгъа джарамаз.
- Керти сёзге тёре джокъ.
- Сабыр джетер муратха, сабырсыз къалыр уятха.
- Сууда джау джокъ, кёб сёзде магъана джокъ.
- Артына баргъанны, къатына барма.
- Ачыу алгъа келсе, акъыл артха къалады.
- Тиширыусуз юй – отсуз от джагъа.
- Алтыда кюлмеген, алтмышда кюлмез.
- Эшекге миннген – биринчи айыб, андан джыгъылгъан – экинчи айыб.
- Кесине гебен этелмеген, биреуге черен эте эди.
- Иги болса, тамадама – махтау, аман болса, меннге – айыб.
- Тенги кёбню джау алмаз, акъылы кёбню дау алмаз.
- Итли къонакъ джарашмаз.
- От этилмеген джерден тютюн чыкъмайды.
- Ётюрюкню къуйругъу – бир тутум.
- Мадар болса, къадар болур.
- Иги джашны ышаны – аз сёлешиб, кёб тынгылар.
- Эл бла кёргенинг эрелей.
- Алим болгъандан эсе, адам болгъан къыйынды.
- Телиге от эт десенг, юйюнге от салыр.
- Ишни ахырын ойламай, аллын башлама.
- Аллахха ийнаннган кишини, Аллах онгдурур ишин.
- Сёз къанатсыз учар.
- Кёпюр салгъан кеси ётер, уру къазгъан кеси кетер.
- Ашда уялгъан – мухар, ишде уялгъан – хомух.
- Агъач – джерни чырайы, кийим – эрни чырайы.
- Алгъанда – джууукъ, бергенде – джау.
- Ач къарным, тынч къулагъым.
- Накъырда – кертини келечиси.
- Суу да къайтады чыкъгъан джерине.
- Тойгъан джерден туугъан джер игиди.
- Зар адамны насыбы болмаз.
- Башы ишлегенни, ауузу да ишлер.
- Байма, деб да, къууанма, джарлыма, деб да, джылама.
- Мен да «сен», дейме, сен да «кесим», дейсе.
- Тюзлюк шохлукъну бегитир.
- Таукелге нюр джауар.
- Къызгъанчдан ычхыныр, мухардан ычхынмаз.
- Кийимни бир кюнню аясанг, минг кюннге джарар.
- Айырылмаз джууугъунга, унутмаз сёзню айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72