- Ариу – кёзге, акъыл – джюрекге.
- Къуллукъчума, деб махтанма, къуллукъ – хаух джамчыды!
- Айраннга суу къош, телиге джол бош.
- Уллу сёзде уят джокъ.
- Кёл ашады да, кеси ашады.
- Таукел тауну аудурур.
- Дууулдаса – бал чибин, къонса – къара чибин.
- Адебсиз адам – джюгенсиз ат.
- Ёксюзню къалачы уллу кёрюнюр.
- Аман киши кеси юйюнде – къонакъ.
- Джетген къыз джерли эшекни танымаз.
- Ата – баланы уясы.
- Ойнай билмеген, уруб къачар.
- Аллахдан тилесенг, кёб тиле.
- Ачыу алгъа келсе, акъыл артха къалады.
- Айран тёгюлсе, джугъусу къалыр.
- Элде адам къалмаса, ит тахтагъа минер.
- Эл тойса, тоймагъан, эл къойса, къоймагъан.
- Джарлы джети элни сёзюн этер.
- Экеулен сёлеше тура эселе, орталарына барыб кирме.
- Эрни эр этерик да, къара джер этерик да, тиширыуду.
- Кийимни бир кюнню аясанг, минг кюннге джарар.
- Тёрдеги кюлсе, эшикдеги ышарыр.
- Ата Джуртча джер болмаз, туугъан элча эл болмаз.
- Aдам боллукъ, сыфатындан белгили.
- Аманнга игилик этсенг, юйюнге сау бармазса.
- Ёпкелегенни ашы татлы болады.
- Насыб бютеу халкъны юлюшюдю.
- Биреу къой излей, биреу той излей.
- Танг атмайма десе да, кюн къоярыкъ тюйюлдю.
- Аууз сакълагъан – джан сакълар.
- Суугъа – чабакъ, къаягъа – ыргъакъ.
- Билгенни къолу къарны джандырыр.
- Азыкълы ат арымаз, къатыны аман джарымаз.
- Айтылгъан буйрукъ, сёгюлмез
- Ашда уялгъан – мухар, ишде уялгъан – хомух.
- Керилген да, ургъан кибикди.
- Къуру гыбыт бек дыгъырдар.
- Кёб ант этген, кёб ётюрюк айтыр.
- Тёзгеннге, джабылгъан эшик ачылыр.
- Татлы сёз – балдан татлы.
- Махтаннган къыз, тойда джукълар.
- «Ма», - дегенни билмесенг, «бер», - дегенни билмезсе.
- Акъыл аздырмаз, билим тоздурмаз.
- Тюз сёз баргъан сууну тыяр.
- Этни да ашады, бетни да ашады.
- Хата – гитчеден.
- Джарлыны тону джаз битер.
- Борчунг бар эсе, хурджунунга ойлаб узал.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72