- Кийим тукъум сордурур.
- Юйюнг бла джау болгъандан эсе, элинг бла джау бол.
- Сёз къанатсыз учар.
- Атлыны кёрсе, джаяуну буту талыр.
- Арбаз къынгырды да, ийнек сауалмайма.
- Къазанда болса, чолпугъа чыгъар.
- Къонагъынгы артмагъын алма да, алгъышын ал.
- Элге къуллукъ этмеген, элге ие болмаз.
- Рысхысына кёре, джаш ёсер, къышлыгъына кёре, мал ёсер.
- Ашарыкъда сайлагъаннга – чий гырджын.
- Адамны сыфатына къарама, сёзюне къара.
- Ашхы атаны – джашы ашхы, ашхы ананы – къызы ашхы.
- Алтыннга тот къонмаз.
- Чакъырылмагъан къонакъ – орунсуз.
- Ариу сёз аурууунгу алыр.
- Тюзлюк тас болмайды.
- Джыгъылгъанны сырты джерден тоймаз.
- Къолу уллу – асыу, аягъы уллу – джарсыу.
- Тойгъанлыкъ къойгъа джарашады.
- Джаным-тиним – окъуу, билим.
- Юй ишлеген балта эшикде къалыр.
- Бек анасы джыламаз.
- Къарын къуру болса, джюрек уру болур.
- Эки къатын алгъан – эки ташны ортасына башын салгъан.
- Тойну къарнашы – харс, джырны къарнашы – эжиу.
- Ёксюзню къалачы уллу кёрюнюр.
- Ишленмеклик адамлыкъды.
- Aдам боллукъ, сыфатындан белгили.
- Танг атмайма десе да, кюн къоярыкъ тюйюлдю.
- Аджашханны ызындагъы кёреди, джангылгъанны джанындагъы биледи.
- Арпа, будай – ащды, алтын, кюмюш а – ташды.
- Ёнгкюч къууана барыр, джылай келир.
- Хаухну атма, ёнгкючню сатма.
- Ашха уста, юйюнде болсун
- Джюрекге ариу – кёзге да ариу.
- Таукел къуру къалмаз.
- Мухарны эси – ашарыкъда.
- Ишге юренсин къоллары, халкъ бла болсун джоллары.
- Накъырданы арты керти болур.
- Башы ишлегенни, ауузу да ишлер.
- Ханнга да келеди хариблик.
- Мал тутхан – май джалар.
- Сабий кёргенин унутмаз.
- Тил – миллетни джаны.
- Чомартны къолу берекет.
- Кёзню ачылгъаны – иги, ауузну джабылгъаны – иги.
- Къартны сыйын кёрмеген, къартлыгъында сыйлы болмаз.
- Кёб къычыргъандан – къоркъма, тынч олтургъандан – къоркъ.
- Тойчу джашха къарама, къойчу джашха къара.
- Ата Джуртун танымагъан, атасын да танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72