- Урама да – ёледи, сатама да – келеди.
- Окъуусуз билим – джокъ, билимсиз кюнюнг – джокъ.
- Ишни ахырын ойламай, аллын башлама.
- Кесине оноу эте билмеген, халкъына да эте билмез.
- Тели турса – той бузар.
- Туз, гырджын аша, тюзлюк бла джаша.
- Аякъларынгы джууургъанынга кёре узат.
- Къарнынг ауруса, ауузунгу тый
- Ашхы атаны – джашы ашхы, ашхы ананы – къызы ашхы.
- Къоркъакъны кёзю экили кёрюр.
- Аджал соруб келмез, келсе, къайтыб кетмез.
- Аш иеси бла татлыды.
- Ауурну тюбю бла, дженгилни башы бла джюрюген.
- Кенгеш болса, уруш болмаз.
- Азыгъы аз, алгъа къабар, аты аман, алгъа чабар.
- Этни бети бла шорпасы.
- Джарлы тюеге минсе да, ит къабар.
- Суугъа – таянма, джаугъа – ийнанма.
- Ана – юйню кюн джарыгъы.
- Ёзденликни кёбю ётюрюк.
- Адамгъа аман кюн соруб келмейди.
- Тенгинг джокъ эсе – изле, бар эсе – сакъла!
- Ханнга да келеди хариблик.
- Иги джашны ышаны – аз сёлешиб, кёб тынгылар.
- Джахил болса анасы, не билликди баласы?
- Намыс сатылыб алынмайды.
- Ауругъанны сау билмез, ач къарынны токъ билмез.
- Нарт сёз – тилни бети.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкню къуйругъу – бир тутум.
- Джолунга кёре – джюрюшюнг, джагъанга кёре – юлюшюнг.
- Аманнга алтын чыдамаз.
- Атлыны кёрсе, джаяуну буту талыр.
- Миллетни бойну – базыкъ, аны бла кюрешген – джазыкъ.
- Ариу сёз – къылычдан джити.
- Джети тилни билген джети кишиди.
- Чёбню кёлтюрсенг, тюбюнден сёз чыгъар.
- Байма, деб да, къууанма, джарлыма, деб да, джылама.
- Бойнуму джети джерден кессенг да, мен ол ишни этеллик тюлме.
- Аууз сакълагъан – джан сакълар.
- Билими азны – ауузунда кирит.
- Кёб джат да, бек чаб.
- Акъыл бла адеб эгизледиле.
- Тамырсыз терекге таянма – джыгъылырса.
- Къарыусузгъа кюлме, онгсузгъа тийме.
- Билмегенинги, билгеннге сор.
- Ауругъан – джашаудан умутчу.
- Суугъа – чабакъ, къаягъа – ыргъакъ.
- Ишге юренсин къоллары, халкъ бла болсун джоллары.
- Тилсиз миллет джокъ болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72