- Тёрде – темир таякълы, къаяда – чыпчыкъ аякълы.
- Кёзюнде тереги болгъан, чёбю болгъаннга кюле эди.
- Тура эдим джата, къайдан чыкъды хата?
- Алим болгъандан эсе, адам болгъан къыйынды.
- Аякъларынгы джууургъанынга кёре узат.
- Билим ат болуб да чабар, къуш болуб да учар.
- Тойну къарнашы – харс, джырны къарнашы – эжиу.
- Сыфатында болмагъаны, суратында болмаз.
- Кесинге джетмегенни, кёб сёлешме.
- Абынмазлыкъ аякъ джокъ, джангылмазлыкъ джаякъ джокъ.
- Джаш болсун, къыз болсун, акъылы, саны тюз болсун.
- Мухардан ач ычхынмаз.
- Юй ишлеген балта эшикде къалыр.
- Таукел адам тау тешер.
- Экеулен сёлеше тура эселе, орталарына барыб кирме.
- Уллу айтханны этмеген – уллаймаз.
- Аджашхан тёгерек айланыр.
- Джарлы джети элни сёзюн этер.
- Чомартха Тейри да борчлуду.
- Хатерли къул болур.
- Къарны аманнга къазан такъдырма, къолу аманнга от джакъдырма.
- Аш хазыр болса, иш харам болур.
- Сютню башын джалагъан къутулур, тюбюн ичген тутулур.
- Адеб джокъда, намыс джокъ.
- Керилген да, ургъан кибикди.
- Чомарт джарлы болмаз.
- Хазыр ашха – терен къашыкъ.
- Юй кюйдю да, кюйюз чыкъды, ортасындан тюйюш чыкъды.
- Джангызны оту джарыкъ джанмаз!
- Ата Джуртуму башы болмасам да, босагъасында ташы болайым.
- Шайтан алдады, тюзлюк къаргъады.
- Джаш къарыу бла кючлю, къарт акъыл бла кючлю.
- Иги адамны бир сёзю эки болмаз.
- Арпа, будай – ащды, алтын, кюмюш а – ташды.
- Бек анасы джыламаз.
- Башынга джетмегенни сорма.
- Айранын берсенг, челегин да къызгъанма.
- Эркиши – от, тиширыу – суу.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашлыкъны арба юйге келтирир, чана базаргъа элтир.
- Бермеген къол, алмайды.
- Ёзденликни джайгъан – джокълукъ.
- Хар адамгъа кеси миннген тау кибик.
- От кюйдюрген, сау болса да, тот кюйдюрген, сау болмаз.
- Аман хансны – урлугъу кёб.
- Кимни – тили, тиши онглу, кимни – къолу, иши онглу.
- Игилик игилик бла сингдирилиучю затды.
- Эрни эр этерик да, къара джер этерик да, тиширыуду.
- Уллу къашыкъ эрин джыртар.
- Акъыл неден да кючлюдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72