- Сангырау къулакъ эл бузар.
- Кёл – къызбай, къол – батыр.
- Сёз – кюмюш, джыр – алтын.
- Бал ашаргъа сюе эсенг, чибин ургъаннга тёз.
- Иги болса, тамадама – махтау, аман болса, меннге – айыб.
- Къызбайны юйюне дери сюрсенг, батыр болур.
- Харам къарнашдан, халал тенг ашхы.
- Тынгылагъан тынгы бузар.
- Сёз къанатсыз учар.
- Тамчы таш тешер.
- Сибиртки да сыйлы болду, кюрек да кюнлю болду.
- Ата Джуртча джер болмаз, туугъан элча эл болмаз.
- Ёгюзню мюйюзюнден тутадыла, адамны сёзюнден тутадыла.
- Ана къолу ачытмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу къазанда бишген эт, чий къалмаз.
- Телиге от эт десенг, юйюнге от салыр.
- Малны кют, джерни тюрт.
- Биреуге аманлыкъ этиб, кесинге игилик табмазса.
- Чомарт бергенин айтмаз.
- Дуния малгъа сатылма, кесингден телиге къатылма.
- Тулпарлыкъ, билекден тюл – джюрекден.
- Хаухну атма, ёнгкючню сатма.
- Джангыз торгъай джырламаз.
- Джаз бир кюнню джатсанг, къыш талай кюнню абынырса.
- Баш – акъыл ючюн, акъылман – халкъ ючюн.
- Ишлегенден, къарагъан уста.
- Кёб джат да, бек чаб.
- Сабыр джетер муратха, сабырсыз къалыр уятха.
- Сёз садакъдан кючлюдю.
- Накъырданы арты керти болур.
- Аш иеси бла татлыды.
- Халкъны джырын джырласанг, халкъ санга эжиу этер.
- Кёб ант этген, кёб ётюрюк айтыр.
- Тойчу джашха къарама, къойчу джашха къара.
- Ач уят къоймаз.
- Чабар ат – джетген къыз.
- Адам сёзюнден белгили.
- Шекер бла туз – бир болмаз, ушамагъан – юй болмаз.
- Джаралыны джастыгъында сау ёлюр.
- Намысы джокъну – дуниясы джокъ.
- Тас болгъан бычакъны сабы – алтын.
- Ётюрюкню къуйругъу – бир тутум.
- Эрни эр этерик да, къара джер этерик да, тиширыуду.
- Ач, тоймам, дейди, тойгъан, ач болмам, дейди.
- Абынмазлыкъ аякъ джокъ, джангылмазлыкъ джаякъ джокъ.
- Къатыны харакетли болса, эри къымсыз болур.
- Окъуусуз билим – джокъ, билимсиз кюнюнг – джокъ.
- Кюлме джашха – келир башха.
- Ашхы болсанг, атынг чыгъар, аман болсанг, джанынг чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72