- Сибиртки да сыйлы болду, кюрек да кюнлю болду.
- Сёлеш деб шай берген, тохта деб, сом берген.
- Мал тутхан – май джалар.
- Хазыр ашха – терен къашыкъ.
- Агъач халкъгъа алтынды, иссиликге салкъынды.
- Ач бёрюге мекям джокъ.
- Чакъырылмагъан къонакъ тёрге атламаз.
- Борчунг бар эсе, хурджунунга ойлаб узал.
- Дуния малгъа сатылма, кесингден телиге къатылма.
- Рысхы – насыбха къор.
- Эринчекни аурууу – кёб.
- Азыкъ аз болса, эртде орун сал.
- Аз сёлеш, кёб ишле.
- Джаз бир кюнню джатсанг, къыш талай кюнню абынырса.
- Рысхы джалгъанды: келген да этер, кетген да этер.
- Къарт бла баш аша, джаш бла аякъ аша.
- Дууулдаса – бал чибин, къонса – къара чибин.
- Агъач – джерни чырайы, кийим – эрни чырайы.
- Аман адамны тепсинге олтуртсанг, къызынгы тилер.
- Аууз сакълагъан – джан сакълар.
- Чоюнну башы ачыкъ болса, итге уят керекди.
- Тёрде – темир таякълы, къаяда – чыпчыкъ аякълы.
- Ишленмеклик адамлыкъды.
- Окъуу – билимни ачхычы, окъуу – дунияны бачхычы.
- Къая джолда джортма, ачыкъ сёзден къоркъма.
- Тиширыусуз юй – отсуз от джагъа.
- Ауругъаннга – кийик саулукъ, джетген къызгъа – чилле джаулукъ.
- Ашлыкъны арба юйге келтирир, чана базаргъа элтир.
- Ата – билек, ана – джюрек!
- Билгенни къолу къарны джандырыр.
- Ким бла джюрюсенг, аны кёзю бла кёрюнюрсе.
- Бал – татлы, балдан да бала – татлы.
- Нёгер болсанг, тенг бол, тенг болмасанг, кенг бол.
- Терслик кетер, тюзлюк джетер.
- Огъурлуну сёзю – суу, огъурсузну сёзю – уу.
- Къонакъ хазыр болгъанлыкъгъа, къонакъбай хазыр тюлдю.
- Джырчы ёлсе, джыры къалыр.
- Къралынгы – душмандан, башынгы от бла суудан сакъла.
- Чомартны къолун джокълукъ байлар.
- Бир абыннган – минг сюрюнюр.
- Баланы адам этген анады.
- Рысхы – сют юсюнде кёмюк кибикди.
- Хунаны тюбюн къазсанг, юсюнге ауар.
- Ашыкъгъан cуу, тенгизге джетмез.
- Ханы къызы буюгъа-буюгъа киштик болду.
- Тенги кёбню джау алмаз, акъылы кёбню дау алмаз.
- Урунуу – насыбны анасы.
- Душманны тышы – акъ, ичи – къара.
- Ачлыкъ отха секиртир.
- Акъыл бла адеб эгизледиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72