- Суугъа – чабакъ, къаягъа – ыргъакъ.
- Ана кёлю – балада, бала кёлю – талада.
- Ханнга да келеди хариблик.
- Аш иеси бла татлыды.
- Ёлген ийнек сютлю болур.
- Аманнга игилик этсенг, юйюнге сау бармазса.
- Алтыда кюлмеген, алтмышда кюлмез.
- Ач къалгъандан, кеч къалгъан къолай.
- Чомартны къолу берекет.
- Ашхы болсанг, атынг чыгъар, аман болсанг, джанынг чыгъар.
- Кеси юйюмде мен да ханма.
- Телиге от эт десенг, юйюнге от салыр.
- Телини эшигин, махтау джабар.
- Джыйырма къойну юч джыйырма эбзе кюте эди.
- Суу ичген шауданынга тюкюрме.
- Джетген къыз джерли эшекни танымаз.
- Акъыллы эркиши атын махтар, акъылсыз эркиши къатынын махтар.
- Тин – байлыгъынг, терен саулугъунг.
- Намыс болмагъан джерде, насыб болмаз.
- Эр сокъур болсун, къатын тилсиз болсун.
- Къонагъынгы артмагъын алма да, алгъышын ал.
- Ёзденликни кёбю ётюрюк.
- Адам къыйынлыгъын кёлтюрюр, зауукълугъун кёлтюрмез.
- Байлыкъ болгъан джерде, тынчлыкъ джокъду.
- Къарнынг ауруса, ауузунгу тый
- Алтыннга тот къонмаз.
- Бастасын ашагъан, хантусун да ичер.
- Билмегенинги, билгеннге сор.
- Тенги кёбню джау алмаз, акъылы кёбню дау алмаз.
- Кенгеш болса, уруш болмаз.
- Чоюнну башы ачыкъ болса, итге уят керекди.
- Этни да ашады, бетни да ашады.
- Джюз элде джюз ёгюзюм болгъандан эсе, джюз джууугъум болсун.
- Ишни ахырын ойламай, аллын башлама.
- Азыкълы ат арымаз, къатыны аман джарымаз.
- Мал тутхан – май джалар.
- Урама да – ёледи, сатама да – келеди.
- Эки элинги тыйсанг, джети элде махталырса.
- Малны кют, джерни тюрт.
- Чабакъсыз кёлге къармакъ салгъанлыкъгъа, чабакъ тутмазса.
- Алим болгъандан эсе, адам болгъан къыйынды.
- Мухарны эси – ашарыкъда.
- Къатын байлыкъны сюер, эр саулукъну сюер.
- Ашаса, ашамаса да, бёрюню ауузу – къан.
- Аз сёлешген, къайгъысыз турур.
- Ариу сёзде ауруу джокъ.
- Джангыз терек къынгыр ёсер.
- Ётген ёмюр – акъгъан суу.
- Эркишини аманы тиширыуну джылатыр.
- Айырылгъанланы айю ашар, бёлюннгенлени бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72