- Бозаны арты дауур болур.
- Тели турса – той бузар.
- Айтханы чапыракъдан ётмеген.
- Малны кют, джерни тюрт.
- Кирсизни – саны таза, халалны – къаны таза.
- Тин – байлыгъынг, терен саулугъунг.
- Тау башында, тау болмаз, джангыз терек, бау болмаз.
- Аджалсыз ёлюм болмаз.
- Киштикге къанат битсе, чыпчыкъ къалмаз эди.
- Ишлегенде эринме, ишде чолакъ кёрюнме.
- Босагъа таш юйге кирмей эди, тыбыр таш эшикге чыкъмай эди.
- Хатерли къул болур.
- Эркишиге тары кебек танг кёрюнюр.
- Тёрени джагъы джокъ.
- Рысхысына кёре, джаш ёсер, къышлыгъына кёре, мал ёсер.
- Иги адамны бир сёзю эки болмаз.
- Кёбге таш атма.
- Джарашыу сюйген – джалынчакъ.
- Атынг аманнга чыкъгъандан эсе, джанынг тамагъынгдан чыкъсын.
- От кюйдюрген, сау болса да, тот кюйдюрген, сау болмаз.
- Сууда джау джокъ, кёб сёзде магъана джокъ.
- Элни кючю – эмеген.
- Баланы адам этген анады.
- Ачлыкъ отха секиртир.
- Аш иеси бла татлыды.
- Рысхы – сют юсюнде кёмюк кибикди.
- Къазанда болса, чолпугъа чыгъар.
- Адамны аманы адамны бети бла ойнар.
- Кёкдеги болмаса, джердегин кёрмейди.
- Чакъырылмагъан къонакъ къачан кетерин сормаз.
- Суугъа – чабакъ, къаягъа – ыргъакъ.
- Кийимни бичсенг, кенг бич, тар этген къыйын тюлдю.
- Къайтырыкъ эшигинги, къаты уруб чыкъма.
- Ач келгенни – тойдур, кеч келгенни – къондур.
- От этилмеген джерден тютюн чыкъмайды.
- Арбаз къынгырды да, ийнек сауалмайма.
- Джылар джаш, атасыны сакъалы бла ойнар.
- Ариу сёз аурууунгу алыр.
- Байлыкъ болгъан джерде, тынчлыкъ джокъду.
- Тамчы таш тешер.
- Мураты болгъанны джюрек тебюую башхады.
- Накъырданы арты керти болур.
- Аман адам этегингден тутса, кес да къач.
- Ишлемеген – тишлемез.
- Бетинги сатма, малынгы сат.
- Кийим тукъум сордурур.
- Аман адам элни бир-бирине джау этер.
- Аллахха ийнаннган кишини, Аллах онгдурур ишин.
- Ойнай билмеген, уруб къачар.
- Джюрек кёзден алгъа кёрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72