- Джарлы эскисин джамаса, къууаныр.
- Сангырау къулакъ эл бузар.
- Агъач халкъгъа алтынды, иссиликге салкъынды.
- Ашхы тенг джолгъа салыр, аман тенг джолдан тайдырыр.
- Зар адамны насыбы болмаз.
- Сютден ауузу кюйген, суугъа юфгюре эди.
- Сёз сёзню айтдырыр.
- Ариу сёз – къылычдан джити.
- Акъыл къартда, джашда тюйюлдю – башдады.
- Ким бла джюрюсенг, аны кёзю бла кёрюнюрсе.
- Экеу тутушса, биреу джыгъылыр.
- Сёлеш деб шай берген, тохта деб, сом берген.
- Ач къарынны, токъ билмез
- Хунаны тюбюн къазсанг, юсюнге ауар.
- Айырылгъанланы айю ашар, бёлюннгенлени бёрю ашар.
- Кёлсюзден сёзсюз тууар.
- Сютню башын джалагъан къутулур, тюбюн ичген тутулур.
- Къошда джокъгъа – юлюш джокъ.
- Къазанда болса, чолпугъа чыгъар.
- Намыс болмагъан джерде, насыб болмаз.
- Мадар болса, къадар болур.
- Сескекли кесин билдирир.
- Бети къызарыучу адамны, джюреги харам болмаз.
- Акъыл неден да кючлюдю.
- Байлыкъдан саулукъ ашхыды.
- Окъ къызбайны джокълайды.
- Чомартны къолун джокълукъ байлар.
- Биреуню къыйынлыгъы бла кесинге джол ишлеме.
- Чакъырылмагъан къонакъ тёрге атламаз.
- Мени джылытмагъан кюн, меннге тиймесин!
- Байдан умут эте, джарлыдан ёгюз багъасы къорады.
- Ушамагъан – джукъмаз.
- Хар ишни да аллы къыйынды.
- Эки къатын алгъан – эки ташны ортасына башын салгъан.
- Чарсда алчыны эл кёреди.
- Бёрю да ач къалмасын, эчки да ашалмасын.
- Аууздан келген, къолдан келсе, ким да патчах болур эди.
- Нёгер болсанг, тенг бол, тенг болмасанг, кенг бол.
- Джылкъыдан – ат чыгъар, тукъумдан – джаш чыгъар.
- Ханнга да келеди хариблик.
- Экеулен сёлеше тура эселе, орталарына барыб кирме.
- Аш кетер да бет къалыр.
- Акъыллы башны – тили къысха.
- Аллахха ийнаннган кишини, Аллах онгдурур ишин.
- Тау башында, тау болмаз, джангыз терек, бау болмаз.
- Тойчу джашха къарама, къойчу джашха къара.
- Тенгни тенглиги джашай барсанг билинир.
- Джарлыны тону джаз битер.
- Ашарыкъда сайлагъаннга – чий гырджын.
- Кёл – къызбай, къол – батыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72