- Джол бла сёзню къыйыры джокъ.
- Чакъырылмай келген къонакъ сыйланмай кетер.
- Ауругъаннга – кийик саулукъ, джетген къызгъа – чилле джаулукъ.
- Тау башында, тау болмаз, джангыз терек, бау болмаз.
- Аджалсыз ёлюм болмаз.
- Чабакъ башындан чирийди.
- Къарын къуру болса, джюрек уру болур.
- Кюлме джашха – келир башха.
- Экиндини кеч къылсанг, чабыб джетер ашхам.
- Акъыллы – эл иеси, тели – эл баласы.
- Чакъырылмагъан къонакъ тёрге атламаз.
- Булут кёкге джарашыу, уят бетге джарашыу.
- Тюзню ётмеги тюзде къалса да, тас болмаз.
- Аджал соруб келмез, келсе, къайтыб кетмез.
- Джылар джаш, атасыны сакъалы бла ойнар.
- Бёрю да ач къалмасын, эчки да ашалмасын.
- Башынга джетмегенни сорма.
- Къонакъ аз олтурур, кёб сынар.
- Бастасын ашагъан, хантусун да ичер.
- Къыз тиширыу кеси юйюнде да къонакъды.
- Телиге от эт десенг, юйюнге от салыр.
- Кенгеш болса, уруш болмаз.
- Баш – акъыл ючюн, акъылман – халкъ ючюн.
- Олтуруб кёрюнмей эди да, ёрге туруб кёрюне эди.
- Намысы болмагъанны, сыйы болмаз.
- Абынмазлыкъ аякъ джокъ, джангылмазлыкъ джаякъ джокъ.
- Ариу – кёзге, акъыл – джюрекге.
- Къуллукъчума, деб махтанма, къуллукъ – хаух джамчыды!
- Адеб джокъда, намыс джокъ.
- Ишни ахырын ойламай, аллын башлама.
- Къаллай салам берсенг, аллай джууаб алырса.
- Уллу атлама – абынырса, уллу къабма – къарылырса.
- Иги сеники эсе да, сюйген кесимикин этеме.
- Тойгъандан сора, ашны сёкме.
- Суу да къайтады чыкъгъан джерине.
- Атынг аманнга чыкъгъандан эсе, джанынг тамагъынгдан чыкъсын.
- Ариу сёз – джаннга азыкъ, аман сёз – башха къазыкъ.
- Магъанасыз сёз – тауушсуз сыбызгъы.
- Къартны бурнун сюрт да, оноугъа тут.
- Этни да ашады, бетни да ашады.
- Бетинги сатма, малынгы сат.
- Билим ат болуб да чабар, къуш болуб да учар.
- Ач къарынны, токъ билмез
- Байлыкъдан саулукъ ашхыды.
- Къолунгдан къуймакъ ашатсанг да, атаны борчундан къутулмазса.
- Баш болса, бёрк табылыр.
- Айран ичген – къутулду, джугъусун джалагъан – тутулду.
- Джолда аягъынга сакъ бол, ушакъда тилинге сакъ бол.
- Тойгъан джерге джети къайт.
- Джуртун къоругъан озар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72