- Акъыл аздырмаз, билим тоздурмаз.
- Биреуню эскиси биреуге джангы болмайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёлген эшек бёрюден къоркъмайды.
- Ач къарным, тынч къулагъым.
- Байлыкъ тауусулур, билим тауусулмаз.
- Къонакъ хазыр болгъанлыкъгъа, къонакъбай хазыр тюлдю.
- Кёкдеги болмаса, джердегин кёрмейди.
- Иги сеники эсе да, сюйген кесимикин этеме.
- Айранны сюйген, ийнек тутар.
- Хаухну атма, ёнгкючню сатма.
- Иги адам абынса да, джангылмаз.
- Ата Джуртуму башы болмасам да, босагъасында ташы болайым.
- Джукъу тёшек сайламайды.
- Ач бёрюге мекям джокъ.
- Юреннген ауруу къалмаз.
- Накъырда – кертини келечиси.
- Адамны артындан къара сабан сюрме.
- Сескекли кесин билдирир.
- Адамны аты башхача, акъылы да башхады.
- Ачлыкъ отха секиртир.
- Аман адам этегингден тутса, кес да къач.
- Адамны аманы адамны бети бла ойнар.
- Адеби болмагъан къыз – тузсуз хант.
- Терек ауса, отунчу – кёб.
- Халкъны юйю – туугъан джери.
- Бал чибинни ургъаны – ачы, балы – татлы.
- Зарда марда джокъ.
- Къазанны башы ачыкъ болса, итге уят керекди.
- Ханы къызы буюгъа-буюгъа киштик болду.
- Хар адамгъа кеси миннген тау кибик.
- Джангыз терек къынгыр ёсер.
- Чыбыкълыкъда бюгюлмеген, къазыкълыкъда бюгюлмей эди.
- Билими азны – ауузунда кирит.
- Къазанда болса, чолпугъа чыгъар.
- Тойгъан джерге джети къайт.
- Адамны бетине къарама, адетине къара.
- Къазанчы аман болса, къазаны къайнамаз.
- Байдан умут эте, джарлыдан ёгюз багъасы къорады.
- Кёбню кёрген – кёб билир.
- Иши джокъну, сыйы джокъ.
- Этек чакъмакълары баш джаргъан, сёлешген сёзлери таш джаргъан.
- Сабыр джетер муратха, сабырсыз къалыр уятха.
- Эр сокъур болсун, къатын тилсиз болсун.
- Хантына кёре тузу, юйюне кёре къызы.
- Ёнгкюч къууана барыр, джылай келир.
- Ачыкъ джюрекге джол – ачыкъ.
- Къыйынлы джети элге оноу этер.
- Билмегенинги, билгеннге сор.
- Аурууну келиую тынч, кетиую – къыйын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72