- Борчунг бар эсе, хурджунунга ойлаб узал.
- Татлы тилде – сёз ариу, чемер къолда – иш ариу.
- Сёз садакъдан кючлюдю.
- Ашха уста, юйюнде болсун
- Агъач – джерни чырайы, кийим – эрни чырайы.
- Ариу джол аджал келтирмез.
- Сыфатында болмагъаны, суратында болмаз.
- Джаш къарыу бла кючлю, къарт акъыл бла кючлю.
- Ачлыкъ отха секиртир.
- Акъыллы эркиши атын махтар, акъылсыз эркиши къатынын махтар.
- Кечеси – аяз, кюню – къыш, джарлы къаргъагъа бир аш тюш!
- Айтхан сёзюне табылгъан.
- Алим болгъандан эсе, адам болгъан къыйынды.
- Адам къаллай бир ишленмесе, аллай бир кесин уллу кёреди.
- Мураты болгъанны джюрек тебюую башхады.
- Босагъа таш юйге кирмей эди, тыбыр таш эшикге чыкъмай эди.
- Кимни – тили, тиши онглу, кимни – къолу, иши онглу.
- Кюн кёрмеген, кюн кёрсе, кюндюз чыракъ джандырыр.
- Асхат ашлыкъ сата, юйдегиси ачдан къата.
- Хата – гитчеден.
- Джетген къыз джерли эшекни танымаз.
- Ишлерге уял да, ашаргъа табма.
- Бети – къучакълар, джюреги – бычакълар.
- Намыс сатылыб алынмайды.
- Таш бла ургъанны, аш бла ур.
- Урама да – ёледи, сатама да – келеди.
- Къонакъ аз олтурур, кёб сынар.
- Адамны сыфатына къарама, сёзюне къара.
- Ётюрюкчюню шагъаты – къатында.
- Бозанг болмагъан джерге, къалагъынгы сукъма.
- Дууулдаса – бал чибин, къонса – къара чибин.
- Эллинг бла джау болсанг да, юйюнг бла джау болма.
- Ашыкъгъанны этеги бутуна чырмалыр.
- Эм уллу байлыкъ – джан саулукъ.
- Халкъны джырын джырласанг, халкъ санга эжиу этер.
- Билгенни къолу къарны джандырыр.
- Ашхы тенг джолгъа салыр, аман тенг джолдан тайдырыр.
- Адеб этмеген, адеб кёрмез.
- Дженгил джетерикме деб, узун джолну къоюб, къысхасын барма.
- Айныгъанлы алты кюн, тогъайгъанлы тогъуз кюн.
- Адамны бетине къарама, адетине къара.
- Чёбню кёлтюрсенг, тюбюнден сёз чыгъар.
- Ётюрюк хапар аякъ тюбю бла джюрюйдю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Минг тенг да азды, бир джау да кёбдю.
- Ариу сёз – джаннга азыкъ, аман сёз – башха къазыкъ.
- Бир онгсуз адам адет чыгъарды, деб эштирик тюлсе.
- Аш берме да, къаш бер.
- Кёл – къызбай, къол – батыр.
- Юйлю уругъа ит чабмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72