- Шайтан алдады, тюзлюк къаргъады.
- Мен да «сен», дейме, сен да «кесим», дейсе.
- Шекер бла туз – бир болмаз, ушамагъан – юй болмаз.
- Ёгюзню мюйюзюнден тутадыла, адамны сёзюнден тутадыла.
- Ариу сёз – къылычдан джити.
- Окъуу – билимни ачхычы, окъуу – дунияны бачхычы.
- Тулпарлыкъ, билекден тюл – джюрекден.
- Мухар, кеси тойса да, кёзю тоймаз.
- Бозанг болмагъан джерге, къалагъынгы сукъма.
- Сёз къанатсыз учар.
- Ётюрюкден тюбю джокъ, кёлтюрюрге джиби джокъ.
- Суугъа – чабакъ, къаягъа – ыргъакъ.
- Ата – билек, ана – джюрек!
- Юй кюйдю да, кюйюз чыкъды, ортасындан тюйюш чыкъды.
- Таукелге нюр джауар.
- Сабийни джумушха джибер да, ызындан бар.
- Баш болса, бёрк табылыр.
- Эрине къаргъыш этген къатын, эрнин къабар.
- Къарт болгъан джерде, берекет болур, сабий болгъан джерде, оюн болур.
- Джукъу тёшек сайламайды.
- Ашхылыкъ джерде джатмайды, аманлыкъ суугъа батмайды.
- Ёпкелегенни ашы татлы болады.
- Бёрю да ач къалмасын, эчки да ашалмасын.
- Къазанда болса, чолпугъа чыгъар.
- Чакъырылмагъан къонакъ тёрге атламаз.
- Къоркъакъны кёзю экили кёрюр.
- Мал кёб болса, джууукъ кёб болур.
- Сакъалы текени да бар, мыйыгъы киштикни да бар.
- Сёз садакъдан кючлюдю.
- Къонакъ хазыр болгъанлыкъгъа, къонакъбай хазыр тюлдю.
- Аманны къуугъан, аманлыкъ табар.
- Алма терегинден кери кетмез.
- Сууда джау джокъ, кёб сёзде магъана джокъ.
- Экеулен сёлеше тура эселе, орталарына барыб кирме.
- Джолда аягъынга сакъ бол, ушакъда тилинге сакъ бол.
- Тёрени джагъы джокъ.
- Ана кёлю – балада, бала кёлю – талада.
- Адебни адебсизден юрен.
- Биреу ашаб къутулур, биреу джалаб тутулур.
- Ат басханны джер билед.
- Адамны сабийин сюйген джюреги, бычакъча, джитиди.
- Керилген да, ургъан кибикди.
- Джаш къарыу бла кючлю, къарт акъыл бла кючлю.
- Соргъан айыб тюлдю, билмеген айыбды.
- Ата Джуртча джер болмаз, туугъан элча эл болмаз.
- Джюрекге ариу – кёзге да ариу.
- Джахил болса анасы, не билликди баласы?
- Акъыл бла адеб эгизледиле.
- Аман адам элни бир-бирине джау этер.
- Бермеген къол, алмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72