- Тынгылагъан тынгы бузар.
- Ариу сёз аурууунгу алыр.
- Адам туугъан джеринде, ит тойгъан джеринде.
- Нафысынгы айтханын этме, намысынгы айтханын эт.
- Таула не мийик болсала да, аууш табылыр.
- Чёбню кёлтюрсенг, тюбюнден сёз чыгъар.
- Джаз бир кюнню джатсанг, къыш талай кюнню абынырса.
- Накъырда – кертини келечиси.
- Азыгъы аз, алгъа къабар, аты аман, алгъа чабар.
- Болджал ишни бёрю ашар.
- Рысхы джалгъанды: келген да этер, кетген да этер.
- Шапа кёб болса, аш татымсыз болур.
- Тёзген – тёш ашар!
- Юреннген ауруу къалмаз.
- Бал чибинни ургъаны – ачы, балы – татлы.
- Итли къонакъ джарашмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Адам къыйынлыгъын кёлтюрюр, зауукълугъун кёлтюрмез.
- Сабий болмагъан джерде, мёлек болмаз.
- Тели турса – той бузар.
- Адеб базарда сатылмаз.
- Билим ат болуб да чабар, къуш болуб да учар.
- Къонакъ аман болса, къонакъбай джунчур
- Таякъ этден ётер, тил сюекден ётер.
- Мал ёлсе, сюек къалыр, адам ёлсе, иши къалыр.
- Баргъанынга кёре болур келгенинг.
- Тил – миллетни джаны.
- Aдам боллукъ, сыфатындан белгили.
- Ишлемеген – тишлемез.
- Аз сёлешген, къайгъысыз турур.
- Агъач халкъгъа алтынды, иссиликге салкъынды.
- Адебни адебсизден юрен.
- Уясында не кёрсе, учханында аны этер.
- Тюкюрюк баш джармаз, налат кёз чыгъармаз!
- Хунаны тюбюн къазсанг, юсюнге ауар.
- Эр сокъур болсун, къатын тилсиз болсун.
- Таукел адам тау тешер.
- Эркишини аманы тиширыуну джылатыр.
- Садакъачыны джаны – къапчыгъында.
- Джан саулукъ бермей, сан саулукъ бермезсе.
- Магъанасыз сёз – тауушсуз сыбызгъы.
- Халкъны джырын джырласанг, халкъ санга эжиу этер.
- Джолунга кёре – джюрюшюнг, джагъанга кёре – юлюшюнг.
- Игини сыйлагъан адетди.
- Билгенни къолу къарны джандырыр.
- Ат басханны джер билед.
- Сабий кёргенин унутмаз.
- Уллу сёлешме да, уллу къаб.
- Джашда акъыл джокъ, къартда къарыу джокъ.
- Ашыкъгъанны этеги бутуна чырмалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72