- Аз сёлешген, къайгъысыз турур.
- Таукел къуру къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Кенгеш болса, уруш болмаз.
- Ётюрюкню къуйругъу – бир тутум.
- Ачыу алгъа келсе, акъыл артха къалады.
- Мухардан ач ычхынмаз.
- Билим насыб берир, билим джолну керир.
- Чыкълы кюнде чыкъмагъан, чыкъса къуру кирмеген.
- Адам туугъан джеринде, ит тойгъан джеринде.
- Аджашханны ызындагъы кёреди, джангылгъанны джанындагъы биледи.
- Джан саулукъ бермей, сан саулукъ бермезсе.
- Ашыкъгъанны этеги бутуна чырмалыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Байлыкъ тауусулур, билим тауусулмаз.
- Эр абынмай, эл танымаз.
- Тойгъан джерден туугъан джер игиди.
- Эл бла кёргенинг эрелей.
- Къыйынлы джети элге оноу этер.
- Кимни – тили, тиши онглу, кимни – къолу, иши онглу.
- Кёбню кёрген – кёб билир.
- Сёлеш деб шай берген, тохта деб, сом берген.
- Къартны бурнун сюрт да, оноугъа тут.
- Джарлыны эшигин махтагъан джабар.
- Джюрекге ариу – кёзге да ариу.
- Мухар, кеси тойса да, кёзю тоймаз.
- Сибиртки да сыйлы болду, кюрек да кюнлю болду.
- Орундукъ тюбюнде атылсам да, орта джиликме, де да айлан.
- Ариу сёзде ауруу джокъ.
- Ашда – бёрю, ишде – ёлю.
- Чабакъсыз кёлге къармакъ салгъанлыкъгъа, чабакъ тутмазса.
- Намысы болмагъанны, сыйы болмаз.
- Къарыусузгъа кюлме, онгсузгъа тийме.
- Кийимни бир кюнню аясанг, минг кюннге джарар.
- Асхат ашлыкъ сата, юйдегиси ачдан къата.
- Юйлю уругъа ит чабмаз.
- Этим кетсе да, сюегим къалыр.
- Сакъ юйюне сау барыр.
- Тёрдеги кюлсе, эшикдеги ышарыр.
- Уясында не кёрсе, учханында аны этер.
- Билмейме деген – бир сёз
- Аш кетер да бет къалыр.
- Къызын тута билмеген, тул этер, джашын тута билмеген, къул этер.
- Ишленмеклик адамлыкъды.
- Башы ишлегенни, ауузу да ишлер.
- Ашхы сёз таш тешер.
- Насыблы элин сюер, насыбсыз кесин сюер.
- Кёб ант этген, кёб ётюрюк айтыр.
- Къобан да къуру да къобханлай турмайды, адам да къуру да патчахлай турмайды.
- Айран ичген – къутулду, джугъусун джалагъан – тутулду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72