- Садакъачыны джаны – къапчыгъында.
- Тил джюрекге джол ишлейди.
- Узун джолну барсанг, бюгюн келирсе, къысха джолну барсанг, тамбла келирсе.
- Аш берме да, къаш бер.
- Кюн кёрмеген, кюн кёрсе, кюндюз чыракъ джандырыр.
- Таш ата билмеген, башына урур.
- Башсыз урчукъ тюзюне айланмаз.
- Къарыусузгъа кюлме, онгсузгъа тийме.
- Джаш къарыу бла кючлю, къарт акъыл бла кючлю.
- Татлы тилде – сёз ариу, чемер къолда – иш ариу.
- Сабий кёргенин унутмаз.
- Къонакъ аман болса, къонакъбай джунчур
- Берекет берсин деген джерде, берекет болур.
- Хазыр ашха – терен къашыкъ.
- Сормай – алма, чакъырылмай – барма.
- Ашхылыкъ джерде джатмайды, аманлыкъ суугъа батмайды.
- Къууут – джелге, берне – бошха.
- Джашлыкъ этмеген, башлыкъ этмез.
- Тюз сёз баргъан сууну тыяр.
- Иги адамны бир сёзю эки болмаз.
- Халкъны джырын джырласанг, халкъ санга эжиу этер.
- Эки къатын алгъанны къулагъы тынгнгаймаз.
- Атынг аманнга чыкъгъандан эсе, джанынг тамагъынгдан чыкъсын.
- Чакъырылмагъан къонакъ – орунсуз.
- Ёлген эшек бёрюден къоркъмайды.
- Къызын тута билмеген, тул этер, джашын тута билмеген, къул этер.
- Эки ойлашыб, бир сёлешген.
- Джогъун бар этген, барын бал этген.
- Малны кют, джерни тюрт.
- Эки къатын алгъан – эки ташны ортасына башын салгъан.
- Ашха уста, юйюнде болсун
- Юй ишлеген балта эшикде къалыр.
- Адам боллукъ, атламындан белгили болур.
- Къая джолда джортма, ачыкъ сёзден къоркъма.
- Тешик этген тынчды, аны джамагъан къыйынды.
- Айырылгъанланы айю ашар, бёлюннгенлени бёрю ашар.
- Эм уллу байлыкъ – джан саулукъ.
- Экеу тутушса, биреу джыгъылыр.
- Аман адам этегингден тутса, кес да къач.
- Айтхан – тынч, этген – къыйын.
- Къайгъы тюбю – тенгиз.
- Магъанасыз сёз – тауушсуз сыбызгъы.
- Аш иеси бла татлыды.
- Сёлеш деб шай берген, тохта деб, сом берген.
- Нарт сёз къарт болмаз.
- Бал чибинни ургъаны – ачы, балы – татлы.
- Къулакъдан эсе, кёзге ышан.
- Элде адам къалмаса, ит тахтагъа минер.
- Ат басханны джер билед.
- Ач къарным, тынч къулагъым.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72