Эльбрусоид :: Форум :: Архив форумов

Къобан да къуру да къобханлай турмайды, адам да къуру да патчахлай турмайды.
Аш хазыр болса, иш харам болур.
Джаным-тиним – окъуу, билим.
Кёб къычыргъандан – къоркъма, тынч олтургъандан – къоркъ.
Ичимден чыкъды хата, къайры барайым сата?
Тил джюрекге джол ишлейди.
Рысхы – насыбха къор.
Сыфатында болмагъаны, суратында болмаз.
Адамны артындан къара сабан сюрме.
Экеу тутушса, биреу джыгъылыр.
Эр сокъур болсун, къатын тилсиз болсун.
Иги адамны бир сёзю эки болмаз.
Аш кетер да бет къалыр.
Байлыкъ келсе, акъыл кетер.
Чыбыкълыкъда бюгюлмеген, къазыкълыкъда бюгюлмей эди.
Хатерли къул болур.
Къыз келсе, джумуш эте келеди, къатын келсе, ушакъ эте келеди.
Къонакъ аман болса, къонакъбай джунчур
Элде адам къалмаса, ит тахтагъа минер.
Айран ичген – къутулду, джугъусун джалагъан – тутулду.
Къонакъ хазыр болгъанлыкъгъа, къонакъбай хазыр тюлдю.
Сабыр джетер муратха, сабырсыз къалыр уятха.
Хазыр ашха – терен къашыкъ.
Чарсда алчыны эл кёреди.
Аман адамны тепсинге олтуртсанг, къызынгы тилер.
Тойгъан антын унутур.
Таякъ этден ётер, тил сюекден ётер.
Аманны тукъумуна къарама, игини тукъумун сорма.
Кёбге таш атма.
Билимсиз иш бармаз.
Баш болса, бёрк табылыр.
Кёз – сюйген джерде, къол – ауругъан джерде.
Чакъырылгъанны аты, чакъырылмагъанны багъасы болур.
Билим ат болуб да чабар, къуш болуб да учар.
Арпа, будай – ащды, алтын, кюмюш а – ташды.
Бёрю да ач къалмасын, эчки да ашалмасын.
Акъыллы башны – тили къысха.
Харам къарнашдан, халал тенг ашхы.
Чёбню кёлтюрсенг, тюбюнден сёз чыгъар.
Ариу сёз джыланны орнундан чыгъарыр.
Къартны сыйын кёрмеген, къартлыгъында сыйлы болмаз.
Байлыкъдан саулукъ ашхыды.
Ана къойну – балагъа джандет.
Тура эдим джата, къайдан чыкъды хата?
Юй ишлеген балта эшикде къалыр.
Бозанг болмагъан джерге, къалагъынгы сукъма.
Джыйырма къойну юч джыйырма эбзе кюте эди.
Ачлыкъда тары гырджын халыуадан татлы.
Къозулугъунда тоймагъан, къойлугъунда тоймаз.
Къумурсхала джыйылсала, пилни да джыгъадыла.

Логин:
Пароль:
	Запомнить меня на этом компьютере

Забыли свой пароль?
Регистрация