- Кёзюнде тереги болгъан, чёбю болгъаннга кюле эди.
- Окъугъан озар, окъумагъан тозар.
- Джюрекден джюрекге джол барды.
- Босагъагъа джууукъ орун болса, ашыгъыб тёрге озма.
- Тилсиз миллет джокъ болур.
- Адам сёзюнден белгили.
- Кеси юйюмде мен да ханма.
- Джашны джигитлиги сорулур, къызны джигерлиги сорулур.
- Къайгъыны сюйген, къайгъы табар.
- Джарлы эскисин джамаса, къууаныр.
- Кютгени беш эчки, сызгъыргъаны уа, джерни джарады.
- Къатыны харакетли болса, эри къымсыз болур.
- Айран ичген – къутулду, джугъусун джалагъан – тутулду.
- Ана – юйню кюн джарыгъы.
- Айыбны суу бла джууалмазса.
- Эте билген, этген этеди, эте билмеген, юретген этеди!
- Байлыкъ келсе, акъыл кетер.
- Термилгенинги табмазса, кюлгенинге тюберсе.
- Онгсузну – джакъла, тенгликни – сакъла.
- Къызгъанчдан ычхыныр, мухардан ычхынмаз.
- Иесиз малны бёрю ашар.
- Чакъырылмагъан къонакъ къачан кетерин сормаз.
- Чомартха Тейри да борчлуду.
- Джуртун къоругъан озар.
- Биреуню эскиси биреуге джангы болмайды.
- Уллу сёлешме да, уллу къаб.
- Гыдай эчки суугъа къараб, мюйюзле кёрмесе, джашма алкъын, дегенди.
- Ата Джуртуму башы болмасам да, босагъасында ташы болайым.
- Этни бети бла шорпасы.
- Джан саулукъ бермей, сан саулукъ бермезсе.
- Кийимни бир кюнню аясанг, минг кюннге джарар.
- Джолда аягъынга сакъ бол, ушакъда тилинге сакъ бол.
- Эрине къаргъыш этген къатын, эрнин къабар.
- Намысы болмагъанны, сыйы болмаз.
- Джети тилни билген джети кишиди.
- Эшекге миннген – биринчи айыб, андан джыгъылгъан – экинчи айыб.
- Мухар, кеси тойса да, кёзю тоймаз.
- Билим къая тешер.
- Мен да «сен», дейме, сен да «кесим», дейсе.
- Кюл тюбюндеги от кёрюнмейди.
- Ишни ахырын ойламай, аллын башлама.
- Кёб джашагъан – кёб билир.
- Акъыл къартда, джашда тюйюлдю – башдады.
- Бир абыннган – минг сюрюнюр.
- Джырчы джырчыгъа – къарнаш.
- Туз, гырджын аша, тюзлюк бла джаша.
- Айтылгъан буйрукъ, сёгюлмез
- Кёб джат да, бек чаб.
- Намыс болмагъан джерде, насыб болмаз.
- Ашхы атаны – джашы ашхы, ашхы ананы – къызы ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72